ചെന്നെ : തമിഴ്നാട്ടില് 40 വയസ്സുകാരിയെ തട്ടിക്കൊണ്ടുപോയി കൂട്ടബലാത്സംഗത്തിനിരയാക്കിയതായി പരാതി. കഴിഞ്ഞ തിങ്കളാഴ്ച വിരുതുനഗര് ജില്ലയിലെ അറുപ്പുകോട്ടയിലാണ് സംഭവം. കാറില് പോവുകയായിരുന്ന സ്ത്രീയെ ഏഴംഗ സംഘം തട്ടിക്കൊണ്ടുപോയി പീഡനത്തിരയാക്കുകയായിരുന്നു.
അയല്വാസിയായ സുഹൃത്തിനൊപ്പമാണ് സ്ത്രീ കാറില് സഞ്ചരിച്ചിരുന്നത്. ഇവരെ പിന്തുടര്ന്ന ഏഴംഗ സംഘം ആളൊഴിഞ്ഞ ഭാഗത്തെത്തിയപ്പോള് കാര് തടഞ്ഞുനിര്ത്തി സുഹൃത്തിനെ മര്ദിച്ചവശനാക്കുകയും സ്ത്രീയെ തട്ടിക്കൊണ്ടുപോവുകയായിരുന്നു. ഇവരുടെ പക്കലുണ്ടായിരുന്ന സ്വര്ണ്ണവും പണവും ഏഴംഗ സംഘം തട്ടിയെടുത്തു.
സംഭവത്തില് അഞ്ച് പേര് പോലീസ് പിടിയിലായിട്ടുണ്ട്. ബാക്കി രണ്ടുപേര്ക്കുവേണ്ടിയുള്ള അന്വേഷണത്തിലാണ്. സ്ത്രീ നല്കിയ പരാതിയിലാണ് നടപടി.
