ന്യൂദല്ഹി: പ്രായപൂര്ത്തിയായില്ലെങ്കിലും ഋതുമതിയായ പെണ്കുട്ടിക്ക് മുസ്ലിം വ്യക്തിനിയമ പ്രകാരം വിവാഹം കഴിക്കാമെന്ന് ദല്ഹി ഹൈക്കോടതി. വിവാഹശേഷം ഭര്ത്താവുമായി നടക്കുന്ന ലൈംഗികബന്ധത്തിന്റെ പേരില് പോക്സോ നിയമപ്രകാരം ഭര്ത്താവിനെതിരെ കേസ് രജിസ്റ്റര് ചെയ്യാന് കഴിയില്ലെന്നും ഹൈക്കോടതി വ്യക്തമാക്കി.
വിവാഹത്തിന് രക്ഷിതാക്കളുടെ അനുമതിയും ആവശ്യമില്ല.വിവാഹശേഷം നടക്കുന്ന ലൈംഗികബന്ധത്തിന്റെ പേരില് പോക്സോ നിയമപ്രകാരം ഭര്ത്താവിനെതിരെ കേസ് രജിസ്റ്റര് ചെയ്യാന് കഴിയില്ലെന്നും ദല്ഹി ഹൈക്കോടതിയിലെ ജസ്റ്റിസ് ജസ്മീത് സിങ്ങിന്റെ ഉത്തരവില് വ്യക്തമാക്കുന്നു.
ഈ വര്ഷം ആദ്യം ബീഹാറില് വിവാഹിതരായ മുസ്ലീം ദമ്പതികള് നല്കിയ ഹര്ജിയിലാണ് ഡല്ഹി ഹൈക്കോടതിയുടെ ഉത്തരവ്. പെണ്കുട്ടിയുടെ വീട്ടുകാരുടെ എതിര്പ്പ് അവഗണിച്ചാണ് വിവാഹം നടന്നത്. വിവാഹസമയത്ത് പെണ്കുട്ടിക്ക് 15 വയസ്സും അഞ്ച് മാസവും പ്രായമുണ്ടായിരുന്നു.
