തിരുവനന്തപുരം: അധര്മ്മങ്ങള്ക്കെതിരായ ധര്മ്മ പുനഃസ്ഥാപനത്തിന്റെ പ്രതീകമായാണ് ഭക്തജനസമൂഹം ശ്രീകൃഷ്ണസങ്കല്പ്പത്തെ കാണുന്നതെന്ന് മുഖ്യമന്ത്രി പിണറായി വിജയന്. ജന്മാഷ്ടമി ആശംസകള് നേര്ന്ന് നല്കിയ സന്ദേശത്തിലാണ് മുഖ്യമന്ത്രി ഇത് പറഞ്ഞത്. സന്ദേശത്തിന്റെ പൂര്ണരൂപം അധര്മ്മങ്ങള്ക്കെതിരായ ധര്മ്മ പുനഃസ്ഥാപനത്തിന്റെ പ്രതീകമായാണ് ഭക്തജനസമൂഹം ശ്രീകൃഷ്ണസങ്കല്പ്പത്തെ കാണുന്നത്.
കരുണയുടെയും കരുതലിന്റെയും പ്രതീകം കൂടിയാണത്. ഈ ശ്രീകൃഷ്ണ ജയന്തി നാള് സ്നേഹത്തിന്റെയും സന്തോഷത്തിന്റെയും പ്രകാശം സമൂഹത്തിലാകെ നിറഞ്ഞു പരക്കാനുള്ള സന്ദേശം ഉറപ്പിക്കുന്നതാകട്ടെ. എല്ലാവിധ അധര്മങ്ങള്ക്കെതിരെയും പൊരുതാനുള്ള പ്രചോദനമാവട്ടെ. എല്ലാവര്ക്കും ആശംസകള്.
