രാജപുരം: 12 കാരിയായ മകളെ നിര്ബന്ധിച്ച് മദ്യം കുടിപ്പിച്ചെന്ന കേസില് പിതാവ് അറസ്റ്റില്. രാജപുരം പോലീസ് സ്റ്റേഷന് പരിധിയിലാണ് സംഭവം. പരാതി ലഭിച്ചതിന് പിന്നാലെ പിതാവിനെ ഇന്നലെ ഉച്ചയോടെ രാജപുരം പോലീസ് അറസ്റ്റ് ചെയ്യുകയായിരുന്നു. ബുധനാഴ്ച രാത്രിയാണ് പെണ്കുട്ടിയെ പിതാവ് നിര്ബന്ധിച്ച് മദ്യം കുടിപ്പിച്ചതെന്നാണ് പരാതി.
പെണ്കുട്ടി ബോധം കെട്ടതോടെ സംഭവം ശ്രദ്ധയില് പെട്ട മാതാവ് ബഹളം വെക്കുകയും നാട്ടുകാര് ഓടിക്കൂടുകയും പോലീസിനെ വിവരം അറിയിക്കുകയുമായിരുന്നു. പോലീസും നാട്ടുകാരും ചേര്ന്നാണ് പെണ്കുട്ടിയെ കാഞ്ഞങ്ങാട് ജില്ലാ ആശുപത്രിയിലേക്ക് മാറ്റിയത്. ഇതിന് പിന്നാലെയാണ് പിതാവിനെ പോലീസ് അറസ്റ്റ് ചെയ്തത്.
ഇയാള്ക്കെതിരെ ജുവനൈല് ജസ്റ്റിസ് ആക്ട് 75, 77 പ്രകാരമാണ് കേസെടുത്തതെന്ന് രാജപുരം സിഐ വി.ഉണ്ണികൃഷ്ണന് പറഞ്ഞു.
