ശ്രീനഗര് : ജമ്മു കശ്മീരില് സൈനിക ക്യാമ്പിന് നേരെ ചാവേര് ആക്രമണം. മൂന്ന് സൈനികര് വീരമൃത്യൂ വരിച്ചു. രജൗരി ജില്ലയില് വ്യാഴാഴ്ച രാവിലെ പാര്ഗല് സൈനിക ക്യാമ്പിന് നേരെയാണ് ഭീകരാക്രമണമുണ്ടായത്. രണ്ട് ഭീകരര് ആര്മി ക്യാമ്പിന്റെ വേലി ചാടിക്കടക്കുന്നത് ശ്രദ്ധയില്പ്പെട്ട് സൈന്യം എത്തിയതോടെ ഭീകരര് വെടിയുതിര്ക്കുകയായിരുന്നു.
രണ്ട് പേര് നുഴഞ്ഞുകയറി ക്യാമ്പിന് നേരെ വരുന്നത് ശ്രദ്ധയില്പെട്ട സുരക്ഷാ സേനയ്ക്ക് നേരെ ഇവര് വെടിയുതിര്ക്കുകയായിരുന്നു. ഇതോടെ സൈന്യം തിരിച്ചടിച്ചു. ആക്രമണത്തില് അഞ്ചോളം സൈനികര്ക്ക് പരിക്കേറ്റിട്ടുണ്ട്. ഇവര് അടുത്തുള്ള സൈനിക ആശുപത്രിയില് ചികിത്സയിലാണ്.
ഏറ്റുമുട്ടലിന്റെ പശ്ചാത്തലത്തില് പ്രദേശത്ത് അതീവ ജാഗ്രതാ നിര്ദ്ദേശം പുറപ്പെടുവിച്ചിരിക്കുകയാണ്. കൂടുതല് ഭീകരരെത്തിയിട്ടുണ്ടാകാമെന്ന സംശയത്തിന്റെ അടിസ്ഥാനത്തില് പ്രദേശത്ത് തിരച്ചില് ഊര്ജിതമാക്കിയിട്ടുണ്ട്. കൂടുതല് സൈന്യത്തെയും പ്രദേശത്ത് വിന്യസിച്ചിട്ടുണ്ട്.
