ബര്മിങ്ഹാം: കോമണ്വെല്ത്ത് ഗെയിംസ് ലോണ് ഇനത്തില് ഇന്ത്യക്ക് ചരിത്ര ഫൈനല്. ഗെയിംസിന്റെ ചരിത്ത്രിലാദ്യമായി ഇന്ത്യന് വനിതാ ലോണ് ബോള് ടീം ഫൈനലില് പ്രവേശിച്ചു. സെമിയില് കരുത്തരായ ന്യൂസിലാന്ഡിനെ തകര്ത്തായിരുന്നു ഇന്ത്യന് ടീമിന്റെ ഫൈനലിലേക്കുള്ള കുതിപ്പ്.
ആവേശകരമായ മത്സരത്തില് 16-13 എന്ന സ്കോറിനാണ് ഇന്ത്യയുടെ വിജയം. ഒരു ഘട്ടത്തില് ന്യൂസിലാന്ഡ് അനായാസം ജയിക്കുമെന്ന് തോന്നിച്ച മത്സരമാണ് ഇന്ത്യന് വനിതകള് അവസാനം കൈക്കലാക്കിയത്. ഒരു ഘട്ടത്തില് ന്യൂസിലാന്ഡ് 6-1ന് മുന്നിലെത്തുകയും ചെയ്തു. പിന്നീട് ഒപ്പത്തിനൊപ്പം പിടിച്ച ഇന്ത്യ നിര്ണായക വിജയം സ്വന്തമാക്കുകയായിരുന്നു.
ഫൈനലിലെത്തിയയോടെ ഇന്ത്യ വെള്ളിമെഡല് ഉറപ്പിക്കുകയും ചെയ്തു. രൂപ റാണി, നയന്മോണി സൈകിയ, ലവ്ലി ചൗബേ, പിങ്കി സിങ് എന്നിവരങ്ങിയ ടീമാണ് ഇന്ത്യക്ക് വിജയം സമ്മാനിച്ചത്. ഇന്ന് നടക്കുന്ന ഫൈനലില് ദക്ഷിണാഫ്രിക്കയാണ് ഇന്ത്യയുടെ എതിരാളി
