കണ്ണൂര്:ഹൈന്ദവ ആചാരങ്ങളില് സിപിഎമ്മും കൂടി പങ്കെടുക്കണമെന്ന പാര്ട്ടി ലൈന് അനുസരിച്ച് പി. ജയരാജന് കര്ക്കിടക വാവ് ബലിചടങ്ങുകള്ക്ക് സഹായവുമായി ഇറങ്ങണമെന്ന് പാര്ട്ടിക്കാരോട് നടത്തിയ ആഹ്വാനം വിഫലമായി. ഒരൊറ്റ സിപിഎം പ്രവര്ത്തകനോ ഡിവൈ എഫ് ഐക്കാരോ വാവ് ബലി ഇടാന് പയ്യാമ്പലം കടപ്പുറത്തെത്തിയവര്ക്ക് സഹായമെത്തിക്കാന് എത്തിയിരുന്നില്ല.
പാര്ട്ടി ഔദ്യോഗികമായി നിര്ദേശം നല്കിയിട്ടില്ലാത്തതിനാല് സിപിഎമ്മും ഡിവൈ എഫ് ഐയും ഇത് അവഗണിച്ചെന്നാണ് റിപ്പോര്ട്ടുകള്. ജയരാജന് ഉപദേശകസമിതി അംഗമായി പ്രവര്ത്തിക്കുന്ന ഐആര് പിസി മാത്രമാണ് സേവനങ്ങള് നല്കാന് രംഗത്തുണ്ടായിരുന്നത്.
കര്ക്കടകവാവ് ബലിച്ചടങ്ങുകള്ക്ക് സഹായവുമായി ഇറങ്ങണമെന്ന് ഫെയ്സ് ബുക്കിലൂടെയാണ് ജയരാജന് ആഹ്വാനം ചെയ്തത്. പിതൃസ്മരണയില് വിശ്വാസികള് ഒത്തുകൂടുന്ന സ്ഥാലത്ത് ആവശ്യമായ സേവനം നല്കണമെന്നായിരുന്നു ജയരാജന് ആവശ്യപ്പെട്ടത്.
