കണ്ണൂര് : കര്ക്കടകബലിയില് നിഷ്കപടമായ പൂര്വ്വകാലസ്മരണയുണ്ട്. അതില് മതമില്ല. കര്ക്കിടവാവ് ബലിതര്പ്പണത്തിന് എത്തുന്ന വിശ്വാസികള്ക്ക് ആവശ്യമുള്ള സേവനങ്ങള് ചെയ്യാന് ആവശ്യപ്പെട്ട് സിപിഎം നേതാവ് പി. ജയരാജന്. പിതൃസ്മരണ ഉയര്ത്തി വിശ്വാസികള് ഒത്തുകൂടുന്ന എല്ലായിടങ്ങളിലും സന്നദ്ധ സംഘടനകള് ആവശ്യമായ സേവനം നല്കണം. ഇത്തരം ഇടങ്ങള് ഭീകര മുഖങ്ങള് മറച്ച് വെക്കാന് സേവനത്തിന്റെ മുഖം മൂടി അണിയുന്നവര്ക്ക് മാത്രമായി വിട്ടുകൊടുക്കരുതെന്നും പി. ജയരാജന് ഫേസ്ബുക്ക് പോസ്റ്റിലൂടെ ആവശ്യപ്പെട്ടു.
ആഘോഷങ്ങളും ആചാരങ്ങളുമെല്ലാം തന്നെ മണ്മറഞ്ഞു പോയവരുടെ സ്മൃതികള് നമ്മളില് ഉണര്ത്തുമെങ്കിലും കര്ക്കടക മാസത്തിലെ കറുത്ത പക്ഷം പിതൃക്കള്ക്കു വേണ്ടി മാത്രമുള്ളതാണ്. ലോകമെമ്പാടുമുള്ള സംസ്കാരങ്ങള് എന്നിവയില് എല്ലായിടത്തും ഈ പിതൃസ്മരണയുടെ ഏടുകള് കണ്ടെത്താനാവും. മണ്മറഞ്ഞു പോയ പ്രീയപ്പെട്ടവരോടുള്ള ആദരത്തിനും അവര്ക്ക് സാങ്കല്പ്പികമായി അന്നമൂട്ടുന്നതുമായ ഈ ആചാരങ്ങള്ക്ക് സഹസ്രാബ്ദങ്ങളുടെ പഴക്കമുണ്ട്.
വേര്പിരിഞ്ഞു പോയവരെ ചേര്ത്ത് നിര്ത്തുക, അവരുണ്ടെന്നു സങ്കല്പ്പിക്കുക, അവശേഷിപ്പിച്ചു പോയ ശൂന്യതയുടെ നാക്കിലയില് സ്നേഹത്തിന്റെ ഒരു ഉരുള വയ്ക്കുക. പിന്നെയുമെന്തൊക്കെയോ ബാക്കിയുണ്ടെന്ന് സ്വയം വിശ്വസിക്കുക. കര്ക്കടക ബലിയുടെ അന്തസ്സത്ത ഈ സ്മരണയിലാണെന്നും ജയരാജന്റെ ഫേസ്ബുക്ക് പോസ്റ്റില് പറയുന്നുണ്ട്.
