പറാസിന് (സെര്ബിയ) : സെര്ബിയയില് നടന്ന പറാസിന് ഓപ്പണ് എ ചെസ് ടൂര്ണമെന്റില് ഇന്ത്യന് താരം പ്രഗ്നാനന്ദയ്ക്ക് കിരീടം. ഒമ്പതു റൗണ്ടില് എട്ട് പോയിന്റ് നേടിയാണ് പ്രഗ്നാനന്ദ ചാമ്പ്യനായത്.
ഈ ടൂര്ണ്ണമെന്റില് പ്രഗ്നാനന്ദ ഒറ്റമത്സരം പോലും തോറ്റില്ല. ആദ്യ ആറ് ഗെയിമുകളും രണ്ടാം സീഡായ പ്രഗ്നാനന്ദ വിജയിച്ചിരുന്നു. ജൂലായ് 28ന് ചെന്നൈയില് തുടങ്ങുന്ന 44ാം ചെസ് ഒളിമ്പ്യാഡാണ് പ്രഗ്നനാനന്ദയുടെ അടുത്ത ലക്ഷ്യം. ഇവിടെ ഇന്ത്യന് ബി ടീമില് അംഗമാണ് പ്രഗ്നാനന്ദ.
ജൂണില് നോര്വ്വെയില് നടന്ന ചെസ് ഗ്രൂപ്പ് എ ടൂര്ണമെന്റിലും പ്രഗ്നാനന്ദ ചാമ്പ്യനായിരുന്നു. അന്ന് ഒമ്പത് റൗണ്ട് മത്സരത്തല് 7.5 പോയിന്റോടെയായിരുന്നു ജയം.
രണ്ട് മാസം മുന്പ് മാഗ്നസ് കാള്സണ് ഉള്പ്പെടെയുള്ളവരെ അട്ടിമറിച്ച് പ്രഗ്നാനനന്ദ ചെസ്സബിള് ടൂര്ണ്ണമെന്റില് റണ്ണറപ് ആയിരുന്നു. അതിനു മുന്പ് 2022ല് തന്നെ എയര്തിങ്സ് മാസ്റ്റേഴ്സ് ടൂര്ണ്ണമെന്റിലും കാള്സനെ തോല്പിച്ചിരുന്നു.
