കേപ്ടൗണ് : ദക്ഷിണാഫ്രിക്കയില് പീറ്റര്മാരിസ്ബര്ഗിലെ ബാറില് വെടിവെപ്പ്. 15 പേര് കൊല്ലപ്പെട്ടു. എട്ട് പേര്ക്ക് ഗുരുതര പരിക്കേറ്റു. ഇവരില് മൂന്ന് പേരുടെ നില ഗുരുതരമാണ്. പ്രാദേശിക സമയം ഇന്ന് പുലര്ച്ചെ 12.30 ഓട് കൂടിയാണ് വെടിവെപ്പുണ്ടായത്. സൊവെറ്റോ ടൗണിലുള്ള ബാറിലാണ് വെടിവെയ്പ്പുണ്ടായത്.
ടാക്സിയായ മിനിബസില് ബാറില് എത്തിയ ഒരുകൂട്ടം പുരുഷന്മാരാണ് വെടിയുതിര്ത്തത്. അതിനുശേഷം അക്രമികള് രക്ഷപ്പെട്ടു. പോലീസ് സംഭവ സ്ഥലത്ത് എത്തുമ്പോള് തന്നെ 12 പേര് കൊല്ലപ്പെട്ടിരുന്നു. മൂന്ന് പേര് ആശുപത്രിയിലെത്തിച്ച ശേഷമാണ് മരിച്ചത്.
പരിക്കേറ്റവരെ ക്രിസ് ഹാനി ബരാഗ്വനത് ആശുപത്രിയില് പ്രവേശിപ്പിച്ചിരിക്കുകയാണ്. എന്നാല് എന്തിനാണ് ആക്രമണം നടത്തിയതെന്ന് ഇപ്പോള് പറയാനാകില്ല. അന്വേഷണം ആരംഭിച്ചതായും ഗ്വാതെങ് പ്രവിശ്യ പോലീസ് കമ്മിഷണര് ലഫ്. ജന. ഏലിയാസ് മാവേല അറിയിച്ചു.
