തിരുവനന്തപുരം: കേരള മീഡിയ അക്കാദമിയുടെ ന്യൂമീഡിയ ആന്ഡ് ഡിജിറ്റല് ജേണലിസം ഡിപ്ലോമ കോഴ്സിലേക്ക് (ഈവനിംഗ് ബാച്ച് ) അപേക്ഷ ക്ഷണിച്ചു. ആറു മാസമാണ് കോഴ്സിന്റെ കാലാവധി. കൊച്ചി, തിരുവനന്തപുരം കേന്ദ്രങ്ങളില് വൈകുന്നേരം ആറു മുതല് എട്ടു വരെയാണ് ക്ലാസ് സമയം.
ഹൈബ്രിഡ് മോഡിലായിരിക്കും ക്ലാസ്. സര്ക്കാര് അംഗീകാരമുള്ള കോഴ്സിന് 35,000 രൂപയാണ് ഫീസ്. ഡിഗ്രി വിദ്യാഭ്യാസയോഗ്യതയായ കോഴ്സിന് പ്രായപരിധി ഇല്ല. മോജോ, വെബ് ജേര്ണലിസം, ഓണ്ലൈന് റൈറ്റിംഗ് ടെക്നിക്ക്സ്, ഫോട്ടോ ജേര്ണലിസം, വീഡിയോ പ്രാക്ടീസ് തുടങ്ങിയവയില് പ്രായോഗിക പരിശീലനം നല്കും.
അപേക്ഷ ഫോറം ഡൗണ്ലോഡ് ചെയ്ത് സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി 30 എന്ന വിലാസത്തിലോ [email protected] എന്ന ഇമെയില് ഐഡിയിലോ അയയ്ക്കണം. സര്ട്ടിഫിക്കറ്റുകളുടെ പകര്പ്പും സമര്പ്പിക്കണം. കൂടുതല് വിവരങ്ങള്ക്ക് www.keralamediaacademy.org. ഫോണ്: 0484 2422275, 2422068, 0471 2726275 അവസാന തീയതി ജൂണ് 30.
