തിരുവനന്തപുരം: ഇരുചക്രവാഹനങ്ങളുടെ പൊതുനിരത്തിലെ മത്സരയോട്ടം തടയുന്നതിന് ഓപ്പറേഷന് റേസ് എന്ന പേരില് മോട്ടോര് വാഹന വകുപ്പിന്റെ കര്ശന പരിശോധന നാളെ മുതല്. പ്രത്യേക സൗകര്യങ്ങളുള്ള റേസ് ട്രാക്കില് നടത്തേണ്ട മോട്ടോര് റേസ് സാധാരണ റോഡില് നടത്തി യുവാക്കള് അപകടത്തില്പ്പെട്ട് മരിക്കുന്നത് അടുത്ത കാലത്ത് വര്ദ്ധിച്ചതിനെത്തുടര്ന്നാണ് കര്ശന പരിശോധന.
ചെറുപ്പക്കാരുടെ അപക്വമായ നടപടിക്കെതിരെ ശക്തമായ നടപടി സ്വീകരിക്കാന് രണ്ടാഴ്ച നീളുന്ന പരിശോധനയാണ് ആരംഭിക്കുന്നത്. ബൈക്കുകള് രൂപമാറ്റം വരുത്തിയും അമിതവേഗത്തില് ഓടിച്ചും നിയമവിരുദ്ധ പ്രവര്ത്തനങ്ങള് നടത്തുന്ന വാഹനങ്ങളുടെ രജിസ്ട്രേഷനും ഓടിക്കുന്ന വ്യക്തിയുടെ ലൈസന്സും റദ്ദാക്കുമെന്നും പിഴയീടാക്കുമെന്നും ഗതാഗത മന്ത്രി ആന്റണി രാജു അറിയിച്ചു.
