ബെംഗ്ലൂര്: ഇന്ത്യ- ദക്ഷിണാഫ്രക്ക അഞ്ചാം ട്വന്റി20 മത്സരം മഴ മൂലം ഉപേക്ഷിച്ചു. നാല് മത്സരങ്ങള് കഴിയുമ്പോള് സ്കോര് 2-2 സമനിലയിലാണ്.
തുടക്കത്തിലെ മഴമൂലം വൈകിയാരംഭിച്ച മത്സരത്തില് ഇന്ത്യന് ഇന്നിംങ്സ് 3.3 ഓവറില് 28-2 എന്ന നിലയില് നില്ക്കുമ്പോഴാണ് വീണ്ടും മഴയെത്തിയത്. മഴയ്ക്ക് മുമ്പ് ഓപ്പണര്മാരായ ഇഷാന് കിഷനെയും (15), ഋതുരാജ് ഗെയ്ക്വാാദിനെയും (10) പുറത്താക്കിയിരുന്നു. മഴ കളി തടസ്സപ്പെടുത്തിയപ്പോള് റിഷഭ് പന്തും(1*) ശ്രേയസ് അയ്യരുമായിരുന്നു(0*) ക്രീസില്.
ഏഴ് മണിക്ക് ആരംഭിക്കേണ്ടിയിരുന്ന മത്സരം മഴമൂലം 7.50നാണ് ആരംഭിച്ചത്. മത്സരം ഇരു ടീമിനും 19 ഓവര് വീതമായി ചുരുക്കുകയും ചെയ്തു. ടോസ് നേടിയ ദക്ഷിണാഫ്രിക്കന് നായകന് കേശവ് മഹാരാജ് ബൗളിംഗ് തെരഞ്ഞെടുക്കുകയായിരുന്നു. ദക്ഷിണാഫ്രിക്കക്കായി ലുങ്കി എന്ഗിഡി രണ്ട് വിക്കറ്റ് നേടി.
