ഷറഫുദ്ദീന് നൈല ഉഷ, അപര്ണ ദാസ് എന്നിവരെ പ്രധാന കഥാപാത്രങ്ങളാക്കി ആന്റണി സോണി സംവിധാനം ചെയ്യുന്ന ‘പ്രിയന് ഓട്ടത്തിലാണ്’ എന്ന ചിത്രത്തിലെ ലിറിക്കല് വീഡിയോ ഗാനം റിലീസായി. പ്രജീഷ് പ്രേം എഴുതിയ വരികള്ക്ക് ലിജിന് ബാംബിനോ സംഗീതം പകര്ന്ന് ബെന്നി ദയാല് ആലപിച്ച ‘നേരാണേ…’ എന്നാരംഭിക്കുന്ന ഗാനമാണ് റിലീസായത്.
ജൂണ് ഇരുപത്തിനാലിന് പ്രദര്ശനത്തിനെത്തുന്ന ഈ ചിത്രത്തില് ബിജു സോപാനം, ഹക്കിം ഷാജഹാന്, സുധി കോപ്പ, ജാഫര് ഇടുക്കി, സ്മിനു സിജോ, അശോകന്, ഹരിശ്രീ അശോകന്, ഷാജു ശ്രീധര്, ശിവം സോപാനം, ഉമ, ജയരാജ് കോഴിക്കോട്, വീണ, വിജി, വിനോദ് തോമസ്, ശ്രീജ ദാസ്, വിനോദ് കെടാമംഗലം, ആര്ജെ, കൂക്കില് രാഘവന്, ഹരീഷ് പെങ്ങന്, അനാര്ക്കലി മരിക്കാര് എന്നിവരും അഭിനയിക്കുന്നു.
വൗ സിനിമാസിന്റെ ബാനറില് സന്തോഷ് ത്രിവിക്രമന് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം പി.എന്. ഉണ്ണികൃഷ്ണന് നിര്വ്വഹിക്കുന്നു. അഭയകുമാര് കെ,അനില് കുര്യന് എന്നിവര് ചേര്ന്ന് കഥ തിരക്കഥ സംഭാഷണമെഴുതുന്നു. ശബരീഷ് വര്മ്മ, വിനായക് ശശികുമാര്, പ്രജീഷ് പ്രേം എന്നിവരുടെ വരികള്ക്ക് ലിജിന് ബാംബിനോ സംഗീതം പകരുന്നു. എഡിറ്റര്- ജോയല് കവി. പ്രൊഡക്ഷന് കണ്ട്രോളര്- ഷബീര് മലവട്ടത്ത്, മീഡിയ മാര്ക്കറ്റിംഗ് ഹെഡ്- രാജീവന് ഫ്രാന്സിസ്. പിആര്ഒ- എ.എസ്. ദിനേശ്, ശബരി.
