ഡബ്ലിന്: അയര്ലാന്റില് നടന്ന ഒരു സ്റ്റേജ് ഷോയുടെ സദസ്സില് ഇരുന്ന ഒരാളെ വേദിയില് പരിപാടി നടത്തിക്കൊണ്ടിരുന്ന നടന് ധ്യാന് ശ്രീനിവാസന് തിരിച്ചറിഞ്ഞു. ആള്ക്കൂട്ടത്തില് നിന്നും തനിക്കൊപ്പം അഭിനയിച്ച നടനെ മറക്കാതെ തിരിച്ചറിഞ്ഞതിന് ധ്യാന് ശ്രീനിവാസന് കയ്യടി ഉയരുകയാണ്.
സ്റ്റേജ് ഷോയുടെ വേദിയില് സംസാരിച്ചു കൊണ്ടിരിക്കുകയായിരുന്നു ധ്യാന്. സംസാരത്തിനിടെ സദസില് ഇരുന്നിരുന്ന സഹതാരത്തെ ധ്യാനിന് മനസ്സിലായി. തന്റെ സ്വതസിദ്ധമായ ശൈലിയില് നാട്ടില് ഉണ്ടായിരുന്ന ആളല്ലേ എന്ന് ധ്യാന് ചോദിച്ചു.
ആരെന്ന് പറഞ്ഞാല് നൂറ് യൂറോ തരാമെന്നായിരുന്നു വേദിയില് ഇരുന്ന യുവാവിന്റെ മറുപടി. ചലഞ്ച് ഏറ്റെടുത്ത് ഉടനെ തന്നെ ധ്യാന് ശ്രീനിവാസന് ആ യുവാവ് ആരാണെന്ന് പറയുകയായിരുന്നു. ഒരേ മുഖം എന്ന സിനിമയില് നമ്മള് ഒന്നിച്ചഭിനയിച്ചതല്ലേ എന്ന് ധ്യാന് ചോദിച്ചു. യുവാവ് സമ്മതിക്കുകയും ചെയ്തു. ഇതോടെ സദസ്സില് നിന്നും നിലയ്ക്കാത്ത കയ്യടികള് ഉയരുകയായിരുന്നു.
ധ്യാന് ശ്രീനിവാസന് നായകനായ ഒരേ മുഖം എന്ന സിനിമയില് അഭനയിച്ച നടന് ഉണ്ണി കാര്ത്തികേയനായിരുന്നു ആ യുവാവ്. പിന്നീട് വേദിയ്ക്ക് പുറത്ത് വച്ച് ധ്യാന് ശ്രീനിവാസനെ കണ്ട ഉണ്ണി ഈ അനുഭവത്തെക്കുറിച്ച് സമൂഹമാധ്യമ പേജില് പോസ്റ്റ് ചെയ്തു.
ഉണ്ണിയുടെ ആ കുറിപ്പ് വായിക്കാം:
‘ഒരേമുഖം’ എന്ന സിനിമ ഷൂട്ട് കഴിഞ്ഞു പോയിട്ട് കൃത്യം പത്ത് വര്ഷം കഴിഞ്ഞു. ഒട്ടും പ്രതീക്ഷിക്കാതെ ഓര്ഗാനിക്ക് ആയി ഉണ്ടായ ഒരു റീയുണീയന് ആണ്. പ്ലാന്ഡ് അല്ല.. അയര്ലണ്ടിലെ ആള്ക്കൂട്ടത്തിനു ഇടയില് നിന്ന് ധ്യാന് എന്നെ കണ്ടുപിടിച്ചതാണ്. ശരിക്കും സര്പ്രൈസ്ഡ് ആയത് ഞാനാണ്. ഇപ്പോഴും ഈ മനുഷ്യന് എന്നെ ഓര്ക്കുന്നല്ലോ.
മറന്നുകാണും എന്നാണ് ഞാന് കരുതിയത്. നന്ദിയുണ്ട് ധ്യാന്കുട്ടാ. ഒരു റീ-എന്ട്രി തന്നതിന്. ശരിക്കും ഒരു റീ-എന്ട്രി ഉണ്ട്. ആ കാര്യമാണ് ഞങ്ങള് സംസാരിച്ചതും (അത് എന്താണെന്നു പിന്നീട് പറയാം ) സ്റ്റേജില് ഉണ്ടായിരുന്ന ഒഫീഷ്യല് ഫോട്ടോഗ്രാഫര് രഞ്ജി (മിഖായേല് ഫോട്ടോഗ്രഫി) എടുത്തു അയച്ചു തന്ന വീഡിയോ ആണ്.
