കാഠ്മണ്ഡു: ആയിരക്കണക്കിന് ഹിന്ദുക്കള്‍ നേപ്പാളില്‍ നൂപുര്‍ ശര്‍മ്മയ്‌ക്ക് അനുകൂലമായി പ്രകടനം നടത്തി. പ്രവാചകനിന്ദ നടത്തിയെന്ന് ആരോപിക്കപ്പെട്ട് വധഭീഷണികള്‍ ലഭിക്കുന്നവെന്ന വാര്‍ത്തകള്‍ പ്രചരിക്കുന്നതിനിടയിലായിരുന്നു നേപ്പാളില്‍ നൂപുര്‍ ശര്‍മ്മയ്‌ക്ക് പിന്തുണ പ്രഖ്യാപിച്ച് വന്‍ റാലി നടന്നത്.
“ഞങ്ങള്‍ നൂപുര്‍ ശര്‍മ്മയെ പിന്തുണയ്‌ക്കുന്നു” എന്നെഴുതിയ പ്ലക്കാര്‍ഡുകള്‍ ഉയര്‍ത്തിയായിരുന്നു റാലി. നേപ്പാളിന്റെ പതാകയ്‌ക്കൊപ്പം ഇവര്‍ ജയ് ശ്രീറാം വിളികളും മുഴക്കിയിരുന്നു.
ട്വിറ്ററിലും മറ്റ് സമൂഹമാധ്യമ പ്ലാറ്റ് ഫോറങ്ങളിലും ഈ റാലികളുടെ വീഡിയോകള്‍ പ്രത്യക്ഷപ്പെടുന്നുണ്ട്. യുട്യൂബില്‍ പ്രചരിക്കുന്ന മറ്റൊരു വീഡിയോയില്‍ നൂപുര്‍ ശര്‍മ്മയെ പിന്തുണയ്‌ക്കുന്ന റാലിയും കാണാമായിരുന്നു. നേപ്പാളിലെ പൊലീസ് ഉദ്യോഗസ്ഥരെയും കാണാമായിരുന്നു.
