കോഴിക്കോട്: ലൈംഗിക ചുവയോടെ നിരന്തരം ഫോണില് വിളിച്ച് ശല്യപ്പെടുത്തുന്നെന്ന യുവപ്രസാധകയുടെ പരാതിയില് എഴുത്തുകാരന് വിആര് സുധീഷിനെ പോലീസ് അറസ്റ്റ് ചെയ്തു. ഇന്നലെ ഉച്ചയ്ക്ക് പോലീസ് സുധീഷിന്റെ വീട്ടിലെത്തി മൊഴിയെടുത്ത ശേഷം വൈകിട്ടോടെ അറസ്റ്റ് ചെയ്യുകയായിരുന്നു. സ്ത്രീത്വത്തെ അപമാനിക്കല്,ഭീഷണിപ്പെടുത്തല് തുടങ്ങിയ കുറ്റങ്ങള് ചുമത്തിയാണ് അറസ്റ്റ് ചെയ്തത്. പിന്നീട് സ്റ്റേഷന് ജാമ്യത്തില് വിട്ടു. നടക്കാവ് പോലീസാണ് യുവതിയുടെ പരാതിയുടെ അടിസ്ഥാനത്തില് നടപടി സ്വീകരിച്ചത്. യുവതി ഡിസിപി ഓഫീസിലെത്തിയും പരാതി നല്കിയിരുന്നു.
വിആര് സുധീഷ് നിരന്തരം ലൈംഗിക ചുവയോടെ ഫോണില് വിളിച്ച് ശല്യപ്പെടുത്തുകയും വീട്ടിലേയ്ക്ക് ഒറ്റയ്ക്ക് വരാന് നിര്ബന്ധിക്കുകയും ചെയ്തു എന്നാണ് യുവപ്രസാധകയുടെ പരാതി. സാമൂഹ്യമാദ്ധ്യമങ്ങളിലൂടെ അപകീര്ത്തിപ്പെടുത്തുന്നതായും പരാതിയില് ആരോപിക്കുന്നു.അതേസമയം സുധീഷിന്റെ വീട് കാണിച്ച് തരാന് പോലീസുകാര് തന്നെ വിളിച്ചുവരുത്തിയെന്ന് പരാതിക്കാരി ആരോപിച്ചു.
ഒലിവ് പബ്ലിക്കേഷനില് ജോലി ചെയ്യവെ ഒരു അഭിമുഖത്തിനായി വി ആര് സുധീഷിനെ കണ്ടിരുന്നു.അന്ന് തങ്ങള് എടുത്ത ഫോട്ടോ തന്നെ അപകീര്ത്തിപ്പെടുത്തുന്ന തരത്തില് സാമൂഹ്യമാദ്ധ്യമങ്ങളിലൂടെ പ്രചരിപ്പിച്ചു എന്നും പരാതിയില് ആരോപിക്കുന്നുണ്ട്.
