ചെന്നൈ: ഓണ്ലൈന് ചൂതാട്ടത്തിലൂടെ 20 ലക്ഷത്തോളം രൂപ നഷ്ടപ്പെട്ട വീട്ടമ്മ ആത്മഹത്യ ചെയ്തു.മണലി ന്യൂ ടൗണില് ഭാഗ്യരാജിന്റെ ഭാര്യ ഭവാനി(29)ആണ് ജീവനൊടുക്കിയത്.വീട്ടിലെ കിടപ്പുമുറിയില് തൂങ്ങി മരിക്കുകയായിരുന്നു.ഇവര്ക്ക് ഒരു വര്ഷത്തിനിടെ 20 ലക്ഷം രൂപയോളം ഓണ്ലൈന് ചൂതുകളിയിലൂടെ നഷ്ടം വന്നിരുന്നു.ഇവര് സഹോദരിമാരോട് പണം കടം വാങ്ങിയും 20 പവനോളം സ്വര്ണ്ണ വിറ്റും ചൂതാട്ടം തുടര്ന്നു.
ഭവാനിയുടെ ചൂതാട്ടഭൃമം അവസാനിപ്പിക്കണമെന്ന് കുടുംബം ആവശ്യപ്പെട്ടിരുന്നു.എന്നാല് ഇവര് ഇത് കേട്ടിരുന്നില്ല.ഞായറാഴ്ച്ച രാത്രി ഭര്ത്താവിനോടും മക്കളോടും സംസാരിച്ചിരിക്കുന്നതിനിടെ കുളിക്കാനെന്ന് പറഞ്ഞ് അകത്തേക്കു കയറിയ ഭവാനിയെ ഏറെ നേരമായിട്ടും കാണാതായതോടെ മുറിയില് നോക്കിയപ്പോഴാണ് ഫാനില് തൂങ്ങിമരിച്ച നിലയില് കണ്ടെത്തിയത്.ഇവര്ക്ക് മൂന്നും, ഒന്നും വയസ്സുളള രണ്ട് ആണ്കുട്ടികളാണ് ഉളളത്.തമിഴ്നാട്ടില് ആദ്യമായാണ് സ്ത്രീ ചൂതാട്ടത്തെത്തുടര്ന്ന് ആത്മഹത്യ ചെയ്യുന്നത്.
