പള്ളിക്കത്തോട്: പരിസ്ഥിതി ദിനത്തില് വ്യത്യസ്ത ആശയവുമായി പള്ളിക്കത്തോട് അരവിന്ദ വിദ്യാമന്ദിരം. ചെമ്പരത്തിക്കാവ് നട്ടുപിടിപ്പിക്കുന്ന പദ്ധതിയാണ് നടപ്പാക്കുന്നത്.
സമൂലം ഔഷധ ഗുണമുള്ള ചെടിയാണ് ചെമ്പരത്തി വിവിധ രോഗങ്ങള്ക്ക് മികച്ച മരുന്നായ ചെമ്പരത്തിയുടെ പൂവും മൊട്ടും ഭക്ഷ്യ യോഗ്യവുമാണ്. ചെമ്പരത്തിയുടെ പ്രാധാന്യം തിരിച്ചറിഞ്ഞ് ചെമ്പരത്തിക്കാവ് എന്ന പദ്ധതിയാണ് ഇത്തവണ പരിസ്ഥിതി ദിനത്തോടനുബന്ധിച്ച് അരവിന്ദ വിദ്യാമന്ദിരം നടപ്പിലാക്കുന്നത്.
പരിസ്ഥിതി ദിനാചരണങ്ങള് ധാരാളമുണ്ടെങ്കിലും നട്ടുനനച്ച ചെടിക്ക് ആവശ്യമായ പരിപാലനവും ശ്രദ്ധയും നല്കി അതിനെ വളര്ത്തിയെടുക്കുന്നു എന്നതാണ് അരവിന്ദയുടെ പ്രത്യേകത. കഴിഞ്ഞ പരിസ്ഥിതിദിനങ്ങളില് അരവിന്ദ തുടക്കംകുറിച്ച നക്ഷത്ര വനവും ബേര്ഡ്സ് ക്ലബ്ബും ഇന്നും സജീവമാണ്. ചിലച്ചിത്രതാരവും എംഎല്എയുമായ മുകേഷ് പദ്ധതി ഉദ്ഘാടനം ചെയ്തു. സംവിധായകന് ജയരാജ് മുഖ്യാതിഥിയായി. രക്ത ചന്ദന വൃക്ഷത്തിന് ജലാഭിഷേകം നടത്തി ജയരാജ് പദ്ധതിയുടെ ഭാഗമായി. പ്രിന്സിപ്പാള് കവിത.ആര്.സി, മാനേജര് പി.ആര്.സുഭാഷ്, അരവിന്ദ ചാരിറ്റബിള് സൊസൈറ്റി അംഗങ്ങള് അധ്യാപകര് വിദ്യാര്ഥികള് എന്നിവര് പങ്കെടുത്തു.
