തിരുവനന്തപുരം: കേരളത്തില് വീണ്ടും കുതിച്ചുയര്ന്ന് കൊറോണ. ടെസ്റ്റ് പോസിറ്റിവിറ്റി നിരക്കും ക്രമാതീതമായി ഉയര്ന്നു. ഇന്ന് 1,544 പേര്ക്ക് കോവിഡ് സ്ഥിരീകരിച്ചത്. 11.39 ശതമാനമാണ് ടിപിആര്. ഇന്ന് 13,558 സാംപിളുകള് മാത്രം പരിശോധിച്ചപ്പോഴാണ് ഇത്രയും രോഗബാധിതര് ഉണ്ടായിരിക്കുന്നത്. കേരളത്തിലെ 11 ജില്ലകളിലും കോവിഡ് കേസുകള് വര്ധിക്കുകയാണെന്നും സര്ക്കാര് ശക്തമായ ഇടപെടല് നടത്തണമെന്നും കേന്ദ്ര ആരോഗ്യ മന്ത്രാലയം മുന്നറിയിപ്പ് നല്കിയിരുന്നു.
അതേസമയം, കൊറോണയുടെ കണക്കുകള് വാര്ത്താക്കുറിപ്പിലൂടെ പ്രസിദ്ധപ്പെടുത്തുന്നത് അവസാനിപ്പിച്ചതിന് ശേഷം 12,94,551 പേര്ക്ക് രോഗം ബാധിച്ചുവെന്നും. 21,274 പേര് മരിച്ചുവെന്നുള്ള ഞെട്ടിക്കുന്ന കണക്കുകളാണ് ഇപ്പോള് പുറത്തുവന്നിട്ടുണ്ട് കേരളത്തില് ജനുവരി മുതല് നാലു മാസത്തിനിടെ ഉണ്ടായ കോവിഡ് കേസുകളുടെ വിവരങ്ങളാണ് ഇപ്പോള് പുറത്തുവന്നിരിക്കുന്നത്. പത്തനംതിട്ട കല്ലറക്കടവ് കാര്ത്തികയില് മനോജിനു വിവരാവകാശ നിയമപ്രകാരം നല്കി അപേക്ഷയിലാണ് ആരോഗ്യവകുപ്പ് ഇക്കാര്യം തുറന്ന് പറഞ്ഞിരിക്കുന്നത്.
