ന്യൂദല്ഹി: കോണ്ഗ്രസിന്റെ നയങ്ങളില് പ്രതിഷേധിച്ച് പാര്ട്ടിവിട്ട പഞ്ചാബ് പിസിസി മുന് അധ്യക്ഷന് സുനില് ജാഖര് ബിജെപിയില് ചേര്ന്നു. പാര്ട്ടി ആസ്ഥാനത്ത് നടന്ന ചടങ്ങില് ബിജെപി അധ്യക്ഷന് ജെപി നദ്ദയില് നിന്നും അദേഹം അംഗത്വം സ്വീകരിച്ചു. ചിന്തന് ശിവിറിന്റെ വേളയില് തന്നെ മുതിര്ന്ന നേതാവ് പാര്ട്ടി വിട്ടത് കോണ്ഗ്രസിന് വലിയ ക്ഷീണമുണ്ടാക്കിയിരുന്നു.
മന് കി ബാത് എന്ന തലക്കെട്ടിലുള്ള ഫേസ്ബുക്ക് ലൈവിലൂടെയാണ് താന് പാര്ട്ടി വിടുന്നതായി ജാഖര് പ്രഖ്യാപിച്ചത്. കോണ്ഗ്രസിന്റെ ത്രിദിന ചിന്തന് ശിവിര് സമ്മേളനം പ്രഹസനമാണെന്നും അദേഹം പരിഹസിച്ചു.
2017 ല് വിനോദ് ഖന്ന നിര്യാണത്തെ തുടര്ന്ന നടന്ന ഉപതെരഞ്ഞെടുപ്പില് ഗുരുദാസ്പൂറില് നിന്നും സുനില് ജാഖര് വിജയിച്ചിരുന്നു. മുന് ലോക് സഭാ സ്പീക്കറും മുതിര്ന്ന കോണ്്ഗ്രസ് നേതാവുമായിരുന്ന ബല്റാം ജാഖറിന്റെ പുത്രനാണ് സുനില്.
