മലപ്പുറം: തൃക്കാക്കര ഉപതെരഞ്ഞെടുപ്പില്‍ മതം വലിച്ചിഴയ്‌ക്കരുതെന്ന് മുസ്ലീംലീഗ് സംസ്ഥാന അധ്യക്ഷന്‍ സാദിഖലി തങ്ങള്‍. ഉത്തരേന്ത്യന്‍ ശൈലി കേരളത്തില്‍ നടപ്പാക്കാന്‍ ശ്രമിക്കരുത്, അത്തരം ശൈലി കേരളത്തില്‍ വിലപോകില്ലെന്നും അദേഹം പറഞ്ഞു.
ഇടതു സ്ഥാനാര്‍ത്ഥി നിര്‍ണയവുമായി ബന്ധപ്പെട്ട വിവാദങ്ങളില്‍ യുഡിഎഫ് നിലപാട് പ്രതിപക്ഷ നേതാവ് വ്യക്തമാക്കിയിട്ടുണ്ട്. ജോ ജോസഫ് സഭയുടെ സ്ഥാനാര്‍ത്ഥിയാണെന്ന് യുഡിഎഫ് എവിടെയും പറഞ്ഞിട്ടില്ല. സ്ഥാനാര്‍ത്ഥി നിര്‍ണയവുമായി ബന്ധപ്പെട്ട് സഭയെ വലിച്ചിഴച്ചത് സിപിഐഎം ആണെന്നും സാദിഖലി പറഞ്ഞു.
തൃക്കാക്കര ഉപതെരഞ്ഞെടുപ്പില്‍ ഇടതു സ്ഥാനാര്‍ത്ഥി നിര്‍ണയം സിപിഎമ്മിന്റെ നാടകമാണ്. സഭയെ വലിച്ചിഴച്ചത് സിപിഐഎമ്മും മന്ത്രി പി രാജീവുമാണ്. വെളുക്കാന്‍ തേച്ചത് പാണ്ടായ അവസ്ഥയിലാണ് സിപിഎമ്മെന്നും മുസ്ലീം ലീഗ് നേതാവ് പറഞ്ഞു.
Â
