ന്യൂദല്ഹി: ദല്ഹി മലയാളി അസോസിയേഷന് മറ്റൊരു പൊന് തൂവലായി ഐഎസ്ഒയുടെ അംഗീകാരവും. മലയാളി സംഘടനകളില് ഐഎസ്ഒ അംഗീകാരം ലഭിക്കുന്ന ആദ്യ മലയാളി സംഘടനയാണ് ദല്ഹി മലയാളി അസോസിയേഷന് എന്ന് സര്ട്ടിഫിക്കറ്റിനായി പിന്നില് പ്രവര്ത്തിച്ച ഡിഎംഎ വൈസ് പ്രസിഡന്റ് രഘുനാഥന് നായര് കെ ജി പറഞ്ഞു.
മത്സരങ്ങളില്ലാതെ, മാനദണ്ഡങ്ങള് പാലിച്ചുകൊണ്ട്, ചെയ്യുന്ന സേവനങ്ങളുടെ നിലവാരത്തിന്റെ അടിസ്ഥാനത്തില് നല്കിവരുന്നതാണ് ഐഎസ്ഒ സര്ട്ടിഫിക്കേഷന്.2022 ഏപ്രില് 14-നു ആര്കെ പുരം കേരളാ സ്കൂളില് നടന്ന ഡിഎംഎ ദിനാഘോഷ പരിപാടികളില് ഐഎസ്ഒ 9001:2015 അംഗീകാരം ലഭിച്ച വിവരം പ്രഖ്യാപിച്ചിരുന്നു.
ദല്ഹി മലയാളി അസോസിയേഷന്റെ മുന്നോട്ടുള്ള എല്ലാ ഭാവി പ്രവര്ത്തനങ്ങളും ഐഎസ്ഒയുടെ നിലവാരത്തിന് അനുയോജ്യമായ രീതിയിലായിരിക്കുമെന്ന് അര്ഹതക്കുള്ള Â അംഗീകരമായ ഐഎസ്ഒ സര്ട്ടിഫിക്കേറ്റ് ഏറ്റുവാങ്ങിക്കൊണ്ട് ഡിഎംഎ രക്ഷാധികാരി ഗോകുലം ഗോപാലനും ജനറല് സെക്രട്ടറി ടോണി കെജെയും പറഞ്ഞു.
