പാലക്കാട്: ഇരട്ടക്കൊലപാതകങ്ങളുടെ സാഹചര്യത്തില് മന്ത്രി കൃഷ്ണന്കുട്ടിയുടെ സാന്നിധ്യത്തില് വിളിച്ചുചേര്ത്ത സര്വ കക്ഷിയോഗത്തിനെതിരെ പാലക്കാട് എം.പി വി.കെ.ശ്രീകണ്ഠന്. പാലക്കാട്ട് സര്വകക്ഷിയോഗം നടത്തിയത് ഒരു രൂപരേഖയും ഇല്ലാതെ. സര്വകക്ഷിയോഗം പ്രഹസനമാണെന്ന് സിപിഎം പോലും യോഗത്തില് പറഞ്ഞുവെന്നും എംപി പറഞ്ഞു.
യോഗം പ്രഹസനമെന്ന് ആരോപിച്ച് ബിജെപി സര്വകക്ഷിയോഗം ബഹിഷ്കരിച്ചിരുന്നു. ബിജെപി നേതാക്കളെ പോലീസ് അകാരണമായി അറസ്റ്റ് ചെയ്യുന്നു എന്ന് ആരോപിച്ചായിരുന്നു ബഹിഷ്കരണം.
എന്നാല് തര്ക്കമൊന്നുമുണ്ടായില്ലെന്നായിരുന്നു മന്ത്രി കെ.കൃഷ്ണന്കുട്ടിയുടെ പ്രതികരണം. സമാധാനത്തിന് എല്ലാവരുടെയും സഹകരണം ആവശ്യപ്പെട്ടു. പൊലീസിന്റെ ഭാഗത്ത് നിന്ന് ശക്തമായ നടപടികള് ഉണ്ടാകുമെന്നും മന്ത്രി പറഞ്ഞു.
