ആലപ്പുഴ: പശ്ചിമ ബംഗാള് വനം വകുപ്പ് മേധാവിയായ പ്രിന്സിപ്പല് ചീഫ് കണ്സര്വേറ്ററായി ഡോ. ജോസ് ടി. മാത്യു സ്ഥാനം ഏറ്റെടുത്തു. സംസ്ഥാന ഫോറസ്റ്റ് ഫോഴ്സിന്റെ തലപ്പത്ത് എത്തുന്ന ആദ്യ കേരളീയനും ദക്ഷിണേന്ത്യക്കാരനുമാണ്.
കുട്ടനാട് കൈനകരി തട്ടാഴം കുടുംബാംഗമായ ജോസ് ടി. മാത്യു 1985 ഐഎഫ്എസ് ബാച്ചില് അസിസ്റ്റന്റ് കണ്സര്വേറ്റര് ഓഫ് ഫോറസ്റ്റ്സ് ആയി സിലിഗുരിയിലാണ് ഔദ്യോഗിക ജോലി ആരംഭിച്ചത്. മുന്പ് കോയമ്പത്തൂരില് കേന്ദ്ര സര്ക്കാരിന്റെ സ്റ്റേറ്റ് ഫോറസ്റ്റ് ഓഫീസേഴ്സ് ട്രെയിനിംഗ് അക്കാഡമി പ്രിന്സിപ്പാളായി സേവനമനുഷ്ഠിച്ചു.
ആലപ്പുഴ സ്വദേശിനിയായ ഭാര്യ ഡോ.ഷെറ്റി പാലത്ര നിലവില് കൊല്ക്കത്ത ആസ്ഥാനമായ ഒരു പാലിയേറ്റീവ് കെയര് സ്ഥാപനവുമായി ബന്ധപ്പെട്ടു പ്രവര്ത്തിക്കുന്നു. മക്കള്: പവന്, മകള്: മേഘ്ന(ബിരുദ വിദ്യാര്ഥികള്).
