കോട്ടയം: ഓണമാണ് മലയാളിയുടെ ഏറ്റവും വലിയ വ്യക്തിത്വം. ആ വ്യക്തിത്വത്തിന് തനിമ പകരുന്ന ധാരാളം കാര്യങ്ങളുണ്ട്. അതില് ഏറ്റവും പ്രധാനപ്പെട്ടതാണ് വസ്ത്രങ്ങള്. ഓണക്കോടിയെന്നത് മലയാളിയുടെ മൂല്യബോധത്തിന്റെ അടയാളങ്ങളാണ്. ഓണക്കോടി ഉടുക്കുമ്പോള് അത് കേരളത്തിന്റെ തനത് കൈത്തറി തന്നെയാകണമെന്ന നിര്ബന്ധം ഭൂരിഭാഗം മലയാളികള്ക്കുമുണ്ട്. ഈ സാധ്യത മനസ്സിലാക്കി കേരളത്തിലെ വസ്ത്രവ്യാപാരികള് കൈത്തറി വസ്ത്രങ്ങള് കൂടുതലായി തങ്ങളുടെ ഷോപ്പുകളിലെത്തിക്കും.
കൈത്തറി വസ്ത്രങ്ങള്ക്കു തന്നെയായുള്ള ഷോപ്പുകളും ഇന്ന് ധാരാളമുണ്ട്. ഓണ് ലൈന് രംഗത്തും കൈത്തറി വസ്ത്രങ്ങളുടെ വില്പ്പന വളരെ വ്യാപകമാണ്. അത്തരത്തില് നമ്മുടെ കൈത്തറിക്ക് ലോകമെമ്പാടും വലിയ മേല്വിലാസമുണ്ടാക്കാനായി തുടങ്ങിയ മല്ഹാര് ലൂംസ് എന്ന ഓണ്ലൈന് സ്റ്റോര് ഇന്ന് കേരളത്തിലെ മികച്ച ബ്രാന്ഡായി വളര്ന്നിട്ടുണ്ട്. കേരളത്തിന്റെ തനതു സംസ്കാരത്തെ അടയാളപ്പെടുത്തുന്ന ഓണത്തിന് മലയാളി ധരിക്കേണ്ടത് നമ്മുടെ കൈത്തറി തന്നെയാണല്ലോ.
കസവിന്റെ ചാരുതയുള്ള കൈത്തറി വസ്ത്രങ്ങള്ക്ക് ഈ ഓണക്കാലത്ത് ആവശ്യക്കാരേറെയാണെന്ന് മല്ഹാര് ലൂംസിന്റെ ഉടമകളിലൊരാളായ ശ്രീകാന്ത് എസ്. ശ്രീലകം ജന്മഭൂമിയേട് പറഞ്ഞു. എന്നാല്, നൂതനമായ ട്രെന്റും മലയാളിക്കാവശ്യമാണ്. ഈ ആവശ്യം മനസിലാക്കി മലയാളിയുടെ അഭിരുചിക്കനുസൃതമായായി നൂതനസങ്കല്പ്പങ്ങള് ഇഴ ചേര്ത്തുകൊണ്ടുള്ള ഓണ ഡിസൈനുകള് മല്ഹാര് ലൂംസിന്റെ പ്രത്യേകതയാണെന്ന് അദ്ദേഹം കൂട്ടിച്ചേര്ത്തു.
ഓണത്തിന്റെ പ്രത്യേക ഡിസൈനിലുള്ള സെറ്റ് മുണ്ട്, സെറ്റ് സാരി, സാരി, ഡബിള്, സിംഗിള് മുണ്ടുകള്, ദോത്തികള്, ഓണ തീമിലുള്ള ഷര്ട്ടുകള് എന്നിവയ്ക്ക് ആവശ്യക്കാരേറെയാണ്. വിവിധ സ്ഥാപനങ്ങളും കൂട്ടായ്മകളും ഓണത്തിനു ഒരു മാസം മുമ്പേ ഒരുപോലെയുള്ള ഓണ യൂണിഫോമുകള് ഓര്ഡര് ചെയ്തിരുന്നു. എന്നാല്, ഓണമടുത്തതോടെ തറികളില് വലിയ തിരക്കായതിനാല് അത്തരം വസ്ത്രങ്ങള് നെയ്ത് നല്കുന്നതിന് പ്രായോഗിക ബുദ്ധിമുട്ടുകള് നേരിടുന്നുണ്ടെന്നും എങ്കിലും പരമാവധി പേര്ക്ക് നല്കാനാണ് ശ്രമിക്കുന്നതെന്നും അദ്ദേഹം പറഞ്ഞു.
മുമ്പ് തെരഞ്ഞെടുപ്പ് കാലത്ത് വിവിധ പാര്ട്ടികളുടെ ചിഹ്നങ്ങള് ആലേഖനം ചെയ്ത വസ്ത്രങ്ങള് വിപണിയിലെത്തിച്ചതിലൂടെ ശ്രദ്ധേയമായ ബ്രാന്ഡാണ് മല്ഹാര് ലൂംസ്. ഓണത്തോടനുബന്ധിച്ച് മല്ഹാര് ലൂംസ് നടത്തുന്ന കൈത്തറി വസ്ത്രങ്ങളുടെ വലിയ മേള ഈ വരുന്ന ശനിയാഴ്ച മുതല് ചൊവ്വാഴ്ച വരെ കോട്ടയം ജില്ലയിലെ മരങ്ങാട്ടുപിള്ളിയില് നടക്കും. കൂടുതല് വിവരങ്ങള്ക്ക് -8943030470. രാജ്യത്തെ എല്ലാ സംസ്ഥാനങ്ങളിലെയും കൈത്തറി വസ്ത്രങ്ങള് ഒരു സ്റ്റോറിലെത്തിച്ച് വിപണനം നടത്തുക എന്നതാണ് ഓണ്ലൈനില് കൂടുതല് ശ്രദ്ധ കേന്ദ്രീകരിക്കുന്ന മല്ഹാര് ലൂംസിന്റെ ലക്ഷ്യമെന്ന് ഉടമകള് പറയുന്നു.
ജന്മഭൂമി ഓണ്ലൈന്