ഇടുക്കി: വിനോദസഞ്ചാരികള്‍ക്ക് രാവിലത്തെ ഭക്ഷണമായി ദേശയ്‌ക്കൊപ്പം നല്‍കിയ സാമ്പാറിനാണ് നൂറ് രൂപ ഈടാക്കാന്‍ ബില്ല്. ഹോട്ടലില്‍ സാമ്പാറിന് 100 രൂപയാണ് ബില്ല് ഈടാക്കിയത്. ഇത് ചോദ്യം ചെയ്ത വിനോദ സഞ്ചാരികളെ ഹോട്ടലിനുള്ളില്‍ ഹോട്ടലുടമ പൂട്ടിയിട്ടു. കോട്ടയത്ത് നിന്ന് രാമക്കല്‍മെട്ടില്‍ വിനോദസഞ്ചാരത്തിനെത്തിയ സംഘത്തിനാണ് ഈ ദുരനുഭവം.
കോട്ടയത്തുനിന്നുള്ള ആറുപേര്‍ കൊമ്പംമുക്കിലുള്ള ഹോട്ടലില്‍ എത്തി മുറിയെടുത്തു. ശനിയാഴ്ച പ്രഭാതഭക്ഷണമായി ദോശ കഴിച്ചു.തുടര്‍ന്ന് ലഭിച്ച ബില്ലിലാണ് ദോശയ്‌ക്കൊപ്പം നല്‍കിയ സാമ്പാറിന് ഒരാള്‍ക്ക് നൂറ് രൂപ ഈടാക്കിയത്. ദോശയ്‌ക്ക് മിനിമം വിലയും സാമ്പാറിന് 100 രൂപയുമാണ് ബില്ലില്‍ ഈടാക്കിയത്. ഇത് ചോദ്യം ചെയ്തതോടെ വിനോദ സഞ്ചാരികളും ഹോട്ടല്‍ ഉടമയുമായി വാക്കേറ്റമുണ്ടായി. വിനോദസഞ്ചാരികളില്‍ ഒരാള്‍ തര്‍ക്കം വീഡിയോയില്‍ പകര്‍ത്തി. അപ്പോഴാണ് ഉടമ സഞ്ചാരികളെ മുറിക്കുള്ളില്‍ പൂട്ടിയിട്ടത്.
കൊമ്പംമുക്കിലെ ഹോട്ടല്‍ ഉടമയുമായാണ് സാമ്പാറിന് നൂറ് രൂപ ബില്ല് ഈടാക്കി തര്‍ക്കം ഉണ്ടാക്കിയത്. വിവരം അറിഞ്ഞ് നെടുങ്കണ്ടം പോലീസ് സ്ഥലത്തെത്തി ഇരുകൂട്ടരുമായി ചര്‍ച്ച നടത്തി വിഷയം പരിഹരിച്ചു. ഹോട്ടല്‍ ആന്‍ഡ് റെസ്‌റ്റോറന്റ്‌സ് അസോസിയേഷന്‍, ഹോംസ്‌റ്റേ റിസോര്‍ട്ട് അസോസിയേഷന്‍, ഹോം സ്‌റ്റേ റിസോര്‍ട്ട് അസോസിയേഷന്‍ ഭാരവാഹികളും സ്ഥലത്തെത്തിയിരുന്നു.
