മലപ്പുറം : കാറില് കുഴല്പ്പണം കടത്താന് ശ്രമം. ഒരു കോടി 45 ലക്ഷം രൂപയാണ് പിടികൂടിയിരിക്കുന്നത്. എറണാകുളം സ്വദേശികളായ രണ്ട് പേരെ കസ്റ്റഡിയിലെടുത്തു. മലപ്പുറത്ത് സമീപകാലത്ത് കുഴല്പ്പണം വ്യാപകമായതിനെ തുടര്ന്ന് ജില്ലയില് കര്ശ്ശന പരിശോധനകളാണ് ഏര്പ്പെടുത്തിയത്.
ഒരു മാരുതി എര്ട്ടിക വാഹനത്തില് നിര്മ്മിച്ച രഹസ്യ അറയില് പണം ഒളിപ്പിച്ച് കടത്തുന്നതിനിടെയാണ് സംഘം പിടിയിലായത്. ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില് പ്രത്യേക സംഘം തിരച്ചില് നടത്തുന്നതിനിടെ ഇരുവരും പിടിയിലാവുകയായിരുന്നു.
കൊച്ചി തോപ്പുംപടി സ്വദേശികളായ രാജാറാം (രാജു), അനില് എന്നിവരാണ് പിടിയിലായത്. ഇവരെ പോലീസ് ചോദ്യം ചെയ്ത് വരികയാണ്. കഴിഞ്ഞ ഒരാഴ്ചക്കിടെ മാത്രം മലപ്പുറത്തു നിന്നും നാലരക്കോടിയില് അധികം തുകയുടെ കുഴല്പ്പണം പിടികൂടിയിട്ടുണ്ട്.
മഹാരാഷ്ട്രയില് നിന്നുള്പ്പടെ വിവിധ സംസ്ഥാനങ്ങളില് നിന്നും ജില്ലയിലേക്ക് കുഴല്പ്പണം എത്തുന്നുണ്ട്. കുഴല്പ്പണ ഇടപാടുകാരുടെ കേന്ദ്രമായി മലപ്പുറം മാറിക്കൊണ്ടിരിക്കുകയാണ്. ഇതിനെ തുടര്ന്ന് ജില്ലയില് കര്ശ്ശന വാഹന പരിശോധയും മറ്റും ഏര്പ്പെടുത്തിയിരിക്കുകയാണെന്നും പോലീസ് വൃത്തങ്ങള് അറിയിച്ചു.
