കരുനാഗപ്പള്ളി: ശൂരനാട് തെക്ക് കുമരംചിറ ദേവി ക്ഷേത്രത്തിന്റെ ഉടമസ്ഥതയില് പതാരം ജംഗ്ഷന് തെക്കുവശമുള്ള 80 സെന്റ് സ്ഥലം കയ്യേറി വില്ലേജ് ഓഫീസ് നിര്മിക്കാനുള്ള റവന്യൂ അധികൃതരുടെ നടപടിക്കെതിരെ ക്ഷേത്ര സംരക്ഷണ സമിതി ജില്ലാകമ്മിറ്റി രംഗത്ത്.
സമിതി ജില്ലാ പ്രസിഡന്റ് പ്രൊഫ. രാഘവന് നായരുടെ നേതൃത്വത്തിലുള്ള സംഘം സംഭവസ്ഥലം സന്ദര്ശിച്ചു. കുമരന്ച്ചിറ ദേവീക്ഷേത്ര ഉപദേശക സമിതി പ്രസിഡന്റ്, സെക്രട്ടറി എന്നിവരുമായി സമിതി ഭാരവാഹികള് ആശയവിനിമയം നടത്തി. ക്ഷേത്രഭൂമി കയ്യേറ്റം തടയുന്നതിന് ആവശ്യമായ എല്ലാ സഹായവും വാഗ്ദാനം ചെയ്തു. ക്ഷേത്ര ഭൂമി സംരക്ഷിക്കുന്നതിന് എല്ലാ ക്ഷേത്ര വിശ്വാസികളെയും, വിവിധ ഹിന്ദു സംഘടനകളെയും സംഘടിപ്പിച്ച് പ്രക്ഷോഭപരിപാടി സംഘടിപ്പിക്കാനും തീരുമാനിച്ചു.
ജില്ലാ പ്രസിഡന്റ് പ്രൊഫ.കെ. രാഘവന്നായര്, ജില്ലാ സെക്രട്ടറി എസ്. വേണുഗോപാല്, സംസ്ഥാന കൗണ്സില് മെമ്പര് വാസുദേവന്പിള്ള, ജില്ലാകമ്മിറ്റി അംഗം അയ്യപ്പന് പിള്ള, സമിതി കുന്നത്തൂര് താലൂക്ക് പ്രസിഡന്റ് ചന്ദ്രബാബു, സെക്രട്ടറി ദിലീപ് കുമാര്, ഡി.എസ്. കുറുപ്പ് എന്നിവരാണ് സ്ഥലം സന്ദര്ശിച്ചത്.
