ന്യൂദല്ഹി: കോവിഡ് പ്രതിസന്ധിയെ തുടര്ന്ന് നിര്ത്തിവച്ചിരുന്ന ജനറല് ക്ലാസ് പാസഞ്ചര് സര്വീസുകള് പുനരാരംഭിച്ച് ഇന്ത്യന് റെയില്വേ. ദീര്ഘദൂര മെയില്, എക്സ്പ്രസ് ട്രെയിനുകളുടെ ജനറല് കോച്ചാണ് പുനഃസ്ഥാപിക്കുന്നത്. സെക്കന്ഡ് ക്ലാസ് കോച്ചുകളില് മുന്കൂര് ബുക്ക് ചെയ്യാതെ തന്നെ ഇനി യാത്ര ചെയ്യാന് സാധിക്കും. സ്പെഷല് ട്രെയിനുകള്ക്ക് അടക്കം തീരുമാനം ബാധകമാണെന്നാണ് റെയില്വേ വ്യക്തമാക്കി. സെക്കന്ഡ് ക്ലാസ് കോച്ചുകളില് റിസര്വേഷന് കാലാവധി തീരുന്ന മുറയ്ക്ക് അണ്റിസര്വ്ഡ് കോച്ച് ആക്കും.
ബുക്കിംഗ് കാലാവധി നോക്കി ട്രെയിനുകളില് ജനറല് കോച്ചുകള് പുനഃസ്ഥാപിക്കാന് സോണല് ആസ്ഥാനത്ത് സാധിക്കും. സാധാരണ ട്രെയിനുകളില്, ജനറല് കോച്ചുകള് റിസര്വ് ചെയ്തതോ അണ് റിസര്വ് ചെയ്തതോ ആയി നിശ്ചയിക്കുമെന്നും റെയില്വേ വക്താവ് പറഞ്ഞു.
