കോട്ടയം: സിനിമ താരം കോട്ടയം പ്രദീപ് (61) അന്തരിച്ചു. കോട്ടയം കുമാരനല്ലൂര് സ്വദേശിയാണ്. മലയാളം, തമിഴ് സിനിമകളില് നിരവധി കോമഡി റോളുകള് ചെയ്തു പ്രേക്ഷക ശ്രദ്ധ പിടിച്ചുപറ്റി. എഴുപതിലേറെ ചിത്രങ്ങളില് അഭിനയിച്ചിട്ടുണ്ട്. 2020ല് പുറത്തിറങ്ങിയ പാപം ചെയ്യാത്തവര് കല്ലെറിയട്ടെ ആണ് കോട്ടയം പ്രദീപിന്റെ റിലീസായ അവസാന ചിത്രം. പത്താം വയസ്സില് എന്.എന്.പിള്ളയുടെ ‘ഈശ്വരന് അറസ്റ്റില്’ എന്ന നാടകത്തില് ബാലതാരമായി അഭിനയിച്ച് തുടങ്ങിയ കോട്ടയം പ്രദീപ് അന്പത് വര്ഷമായി നാടകരംഗത്ത് സജീവമായിരുന്നു.
ഭാര്യ: മായ, മക്കള്: വിഷ്ണു, വൃന്ദ.
