ഡെറാഡൂണ്: കൊവിഡ് വാക്സിനെതിരെ കോണ്ഗ്രസ് അപവാദ പ്രചാരണം നടത്തിയെന്ന് പ്രധാനമന്ത്രി നരേന്ദ്ര മോദി. രാജ്യത്തെ ആദ്യത്തെ സംയുക്ത സൈനിക മേധാവിയായിരുന്ന ബിപിന് റാവത്തിനെതിരെ അധിക്ഷേപം ചൊരിയുകയായിരുന്നു അവര് ചെയ്തത്. ഈ അപമാനത്തിനെതിരെ ഉത്തരാഖണ്ഡിലെ ജനങ്ങള് നാളെ നടക്കുന്ന തെരഞ്ഞെടുപ്പില് പ്രതികാരം ചെയ്യണമെന്നും മോദി പറഞ്ഞു. ഉത്തരാഖണ്ഡിലെ രുദ്രാപൂരില് തെരഞ്ഞെടുപ്പ് റാലിയില് സംസാരിക്കുകായിരുന്നു പ്രധാനമന്ത്രി.
ബിജെപി സര്ക്കാര് സംസ്ഥാനത്തിന്റെ വികസനത്തിനായാണ് പ്രവര്ത്തിക്കുന്നത്. വലിയ റോഡുകള്, റെയില്, റോപ്വെ, വിമാനത്താവളങ്ങള് എന്നിവയെല്ലാം ബന്ധിപ്പിക്കുന്ന പ്രവര്ത്തനങ്ങളാണ് നടക്കുന്നത്. 100 വര്ഷത്തിനിടയിലെ ഏറ്റവും മോശമായ സാഹചര്യമായിരുന്നു കൊവിഡിലൂടെ ഉണ്ടായത്. എന്നാല് ആരും തന്നെ പട്ടിണി കിടക്കാതിരിക്കാന് പ്രധാനമന്ത്രി ഗരീബ് കല്യാണ് യോജനയിലൂടെ പാവപ്പെട്ടവര്ക്ക് സൗജന്യ റേഷന് എത്തിക്കുകയായിരുന്നു കേന്ദ്ര സര്ക്കാര് ചെയ്തത്. മറ്റെതെങ്കിലും പാര്ട്ടിയായിരുന്നു അധികാരത്തിലെങ്കില് ഇത് സാധിക്കുമായിരുന്നില്ലെന്നും മോദി പറഞ്ഞു.
