തിരുവനന്തപുരം: കൊവിഡ് നിയന്ത്രണങ്ങളില് ഇളവുവരുത്തുന്നതിന്റെ ഭാഗമായി സ്കൂളുകള് നാളെ തുറക്കുമെങ്കിലും ക്ലാസുകളുടെ സമയക്രമത്തില് മാറ്റമുണ്ട്. പത്ത്, പതിനൊന്ന്, പന്ത്രണ്ട് ക്ലാസുകളിലെ അധ്യയനം പഴയതു പോലെ രാവിലെ മുതല് വൈകുന്നേരം വരെയാക്കാനാണ് വിദ്യാഭ്യാസ വകുപ്പിന്റെ തീരുമാനം.
സ്കൂളുകള് ഉച്ചവരെ ഷിഫ്റ്റ് അടിസ്ഥാനത്തിലാണ് പ്രവര്ത്തിച്ചിരുന്നത്. വെള്ളിയാഴ്ചത്തെ അവലോകന യോഗത്തിലാണ് സ്കൂളുകളുടെ പ്രവര്ത്തനം പുനരാരംഭിക്കാന് തീരുമാനിച്ചത്. ജനുവരി 21 മുതല് ഒന്നു തൊട്ട് ഒമ്പത് വരെയുള്ള ക്ലാസുകള് ഓണ്ലൈനില് മാത്രമായി പരിമിതപ്പെടുത്തിയിരുന്നു. ഇവര്ക്ക് സ്കൂളുകളിലെ അധ്യയനം 14ന് പുനരാരംഭിക്കും. രാവിലെ മുതല് വൈകിട്ടുവരെ പഴയതു പോലെ ക്ലാസുകളാക്കാനാണ് ആലോചന.
