ന്യൂദല്ഹി: സമാജ്വാദി പാര്ട്ടിയുടെയും ബഹുജന് സമാജ്വാദി പാര്ട്ടിയുടെയും കൂടുതല് നേതാക്കള് ബിജെപിയിലേക്ക്. മുന് മന്ത്രിയും ബിഎസ്പി എംഎല്എയുമായ രംഗനാഥ് മിശ്ര, എസ്പി നേതാവും മുന് എംഎല്എയുമായ മനീഷ് റാവത്ത്, ഡോ. മനോജ് കുമാര് പ്രജാപതി എന്നിവര് ബിജെപിയില് ചേര്ന്നു.
ലഖ്നൗവില് ബിജെപി ആസ്ഥാനത്ത് നടന്ന ചടങ്ങില് കേന്ദ്രമന്ത്രിയും തെരഞ്ഞെടുപ്പ് കോ- ഇന് ചാര്ജ്ജുമായ ശോഭ കരന്ദ്ലാജെ, യുപി ബിജെപി അധ്യക്ഷന് സ്വതന്ത്രദേവ് സിങ് എന്നിവര് ചേര്ന്ന് മൂന്നു പേരെയും സ്വാഗതം ചെയ്തു. മുന് മന്ത്രിയും ഭദോഹി നിയമസഭാ മണ്ഡലത്തിലെ ബിഎസ്പി എംഎല്എയുമാണ് രംഗനാഥ് മിശ്ര. സിധൗലി നിയമസഭാ മണ്ഡലത്തില് നിന്നുള്ള മുന് എംഎല്എയാണ് മനീഷ് റാവത്ത്. ഹമീര്പൂര് നിയമസഭാ മണ്ഡലത്തിലെ മുന് എസ്പി സ്ഥാനാര്ഥിയാണ് ഡോ. മനോജ് കുമാര് പ്രജാപതി.
ബിജെപിയുടെ വന് സ്വീകാര്യതയും ഉത്തര്പ്രദേശിന്റെ പരിവര്ത്തനത്തിന് യോഗി ആദിത്യനാഥിന്റെ നേതൃത്വത്തിലുള്ള ഇരട്ട എഞ്ചിന് സര്ക്കാര് നടപ്പാക്കുന്ന വികസനപ്രവര്ത്തനങ്ങളുമാണ് ഈ ചേരലിന് കാരണമെന്ന് ശോഭ കരന്ദ്ലാജെ പറഞ്ഞു.
