കൊച്ചി: പേരിന്റെ അക്ഷരങ്ങളില് മാറ്റം വരുത്തി ലെന.പേരിന്റെ അക്ഷരങ്ങളുടെ സ്പെല്ലിങ്ങില് A എന്ന അക്ഷരം കൂട്ടി ചേര്ക്കുകയാണ് ചെയ്തത്. സമൂഹമാധ്യമങ്ങളിലൂടെയാണ് താരം വിവരം പുറത്ത് വിട്ടത്.’ എന്റെ പേരിന്റെ സ്പെല്ലിങ്ങ് lenaa എന്നാക്കിയിരിക്കുന്നു.എനിക്ക് ഭാഗ്യം ആശംസിക്കു എന്നാണ് ലെന ഇന്റഗ്രാമില് കുറിച്ചത്.
ജൂത സംഖ്യാശാസ്ത്ര പ്രകാരമാണ് പേരിന്റെ അക്ഷരങ്ങള് മാറ്റിയതെന്ന് ലെന വെളിപ്പെടുത്തി. ഹിന്ദി, തമിഴ്, താരങ്ങളും സംഖ്യാ ശാസ്ത്രപ്രകാരം പേരുകള് മാറ്റാറുണ്ട്. ചിലര് അക്ഷരങ്ങള് മാറ്റുമ്പോള്, മറ്റു ചിലര് പേര് തന്നെ മാറ്റിക്കളയും. ഭാഗ്യ പരീക്ഷണത്തിന്റെ ഭാഗമായാണ് പലരും പേരുകള് മാറ്റി പരീക്ഷിക്കുന്നത്.നടന് ദിലീപ്, റോമ, ലക്ഷ്മി റായി, സംവിധായകന് ജോഷി എന്നിവരും പേരുകളില് പുതുമ വരുത്തി ഭാഗ്യ പരീക്ഷണം നടത്തിയവരാണ്. മേപ്പടിയാനാണ് ലെനയുടെ പുതിയ ചിത്രം. ആടു ജീവിതം, ഭീഷ്മപരിവ്വം, വനിത, ആര്ട്ടിക്കിള് 21 എന്നിവയാണ് റിലീസ് കാത്തിരിക്കുന്നവ.
