കണ്ണൂര്: കഴിഞ്ഞ ദിവസം മന്ത്രി എം.വി. ഗോവിന്ദന് പങ്കെടുത്ത കെ-റെയിലിനെക്കുറിച്ച് വിശദീകരിക്കാന് സംഘടിപ്പിച്ച ‘ജനസമക്ഷം സില്വര്ലൈന്’ പരിപാടി നടന്ന കണ്ണൂര് ദിനേശ് ഓഡിറ്റോറിയത്തിലേക്ക് തള്ളിക്കയറാന് ശ്രമിച്ച് സംഘര്ഷമുണ്ടാക്കിയതിനെ തുടര്ന്ന് സിപിഎം പ്രവര്ത്തകരുടെ തല്ലു വാങ്ങിയ യൂത്ത് കോണ്ഗ്രസ് വൈസ് പ്രസിഡന്റ് റിജില് മാക്കുറ്റിയെ പരിസഹിച്ച് സിപിഎം കണ്ണൂര് ജില്ലാ സെക്രട്ടറി എം.വി. ജയരാജന്. ഒരു മാക്കുറ്റിയോ പൂക്കുറ്റിയോ എന്ന് പറഞ്ഞൊരു കക്ഷിയുണ്ടെന്നും ആ കുറ്റി പാന്റിലാണ് എത്തിയതെന്നും എം.വി.ജയരാജന് പറഞ്ഞു.
സിപിഎം പാര്ട്ടി കോണ്ഗ്രസിന്റെ ഏരിയാതല സംഘാടക സമിതി രൂപീകരണ യോഗത്തില് സംസാരിക്കുകയായിരുന്നു അദ്ദേഹം. ‘ എന്തോ ഒരു മാക്കുറ്റിയോ പൂക്കുറ്റിയോ എന്ന് പറഞ്ഞൊരു കക്ഷിയുണ്ട്. ആ കുറ്റി നോക്കുമ്പോള് പാന്റില്. കള്ള സുവര്… സാധാരണ മുണ്ടും ഷര്ട്ടുമാണ്… ഖദര് മാത്രമാണ്. അന്ന് ഖദറേയില്ല. ഞാനെന്നിട്ട് പറഞ്ഞു ഇത് പൂക്കുറ്റിയൊന്നുമല്ല. ഇത് വേറെയാരോ ആണെന്ന് പറഞ്ഞു. എന്നിട്ട് പ്രവര്ത്തകര് നമ്മുടെ വാട്സ് ആപ്പില് കാണിച്ചു തരികയാണ്. മുഖം നോക്കുമ്പോള് റിജില് മാക്കുറ്റി തന്നെയാണ്. നോക്കുമ്പോള് പാന്റില്. പരിപാടി അലങ്കോലപ്പെടുത്താന് ഗൂണ്ടകളുമായി വന്നതാണെന്നും ജയരാജന്.
