കറാച്ചി:താന് സഞ്ചരിച്ചിരുന്ന വാഹനത്തിന് നേരെ അജ്ഞാതര് വെടിയുതിര്ത്തതായി പാക്കിസ്ഥാന് പ്രധാനമന്ത്രി ഇമ്രാന് ഖാന്റെ മുന് ഭാര്യ റെഹം ഖാന് ആരോപിച്ചു. ഇമ്രാന് ഖാന്റെ ഭരണത്തിന് കീഴില് പാകിസ്ഥാന് ‘ഭീരുക്കളുടെയും കൊള്ളക്കാരുടെയും അത്യാഗ്രഹികളുടെയും’ നാടായി മാറിയെന്ന് ആക്രമണത്തെക്കുറിച്ച് തന്റെ മുന് ഭര്ത്താവിനെ ലക്ഷ്യമിട്ട് റെഹം ഖാന് പറഞ്ഞു.
”എന്റെ അനന്തരവന്റെ വിവാഹം കഴിഞ്ഞ് മടങ്ങുമ്പോള് എന്റെ കാറിന് നേരെ വെടിയുതിര്ത്തു, മോട്ടോര് ബൈക്കിലെത്തിയ രണ്ട് പേര് എനിക്ക് നേരേ തോക്ക് ചൂണ്ടി. എന്റെ സെക്രട്ടറിയും ഡ്രൈവറും കാറില് ഉണ്ടായിരുന്നു. ഇതാണോ ഇമ്രാന് ഖാന്റെ പുതിയ പാകിസ്ഥാന്? ഭീരുക്കളുടെയും തെമ്മാടികളുടെയും അത്യാഗ്രഹികളുടെയും നാടായി മാറിയെന്നും സംഭവത്തിനു ശേഷം റെഹം ഖാന് ട്വീറ്റ് ചെയ്തു.
പരുക്കേറ്റില്ലെങ്കിലും ‘രോഷവും ആശങ്കയും’ ഉളവാക്കുന്ന സംഭവമാണിതെന്നും റെഹം ഖാന് പറഞ്ഞു. ബ്രിട്ടീഷ്-പാകിസ്ഥാന് വംശജനായ പത്രപ്രവര്ത്തകയും മുന് ടിവി അവതാരകയുമായ രെഹാം ഖാന് 2014 മുതല് 2015 ഒക്ടോബര് 30 വരെ ഇമ്രാന് ഖാന്റെ ഭാര്യയായിരുന്നു. 48 കാരിയായ റെഹം പിന്നീട് ഇമ്രാന്റെ കടുത്ത വിമര്ശയാണ്.
