തമിഴകത്ത് പൊങ്കല് ദിവസം താരങ്ങളുടെ സിനിമകള് റിലീസ് ചെയ്ത് ആഘോഷമാക്കുന്നത് സ്ഥിരം കാഴ്ചയാണ്. എന്നാല് ഈ വര്ഷം അതിന് പ്രത്യേകതകള് കൂടുതലാണ്. കാലങ്ങള്ക്ക് ശേഷം നടന് അജിത്തിന്റെയും വിജയുടെയും സിനിമകള് ഒരുമിച്ച് ക്ലാഷ് റിലീസിന് ഒരുങ്ങുകയാണ്.
കഴിഞ്ഞ കുറച്ച് ദിവസങ്ങള്ക്ക് മുന്പ് നടന് അജിത്തിന്റെ ‘വലിമൈ’ സിനിമയുടെ ട്രെയ്ലര് റിലീസ് ചെയ്തിരുന്നു. ഒരു മണിക്കൂര് കൊണ്ട് കോടിക്കണക്കിന് ആരാധകര് ട്രെയ്ലര് കണ്ടെന്ന റെക്കോര്ഡും വലിമൈ സ്വന്തമാക്കി. എന്നാല് പുതുവത്സര സമ്മാനമായിട്ട് ദളപതി ആരാധകര്ക്ക് ‘ബീസ്റ്റ്’ സിനിമയുടെ പോസ്റ്ററും പുറത്ത് വിട്ടു. വിജയ്യുടെ മാസ് ലുക്കിലുള്ള ചിത്രമാണ് പോസ്റ്ററിലുള്ളത്.
പൊങ്കല് ദിവസം ക്ലാഷ് റിലീസിന് ഒരുങ്ങുന്ന രണ്ടു സിനിമകളും ആരാധകര്ക്കും തീയേറ്റുകാര്ക്കും ഒരുപോലെ വെല്ലുവിളിയാണ്. അജിത്ത് ഫാന്സും വിജയ് ഫാന്സും ശക്തമായ മത്സരം നടക്കുന്ന സാഹചര്യം എല്ലാ സിനിമകളിലും കാണാം. എല്ലാ സിനിമകളിലും ആദ്യ ദിവസം റെക്കോര്ഡ് കളക്ക്ഷന് സ്വന്തമാക്കുന്ന അജിത്ത് സിനിമകള്ക്ക് വിജയുടെ ചിത്രം ഒരു വെല്ലുവിളി കൂടിയാണ്. ഏത് ചിത്രം ബോക്സ് ഒഫീസ് റെക്കോര്ഡ് തകര്കും എന്ന ആശങ്കയിലാണ് ആരാധകരും.
എച്ച്. വിനോദാണ് വലിമൈ സിനിമ സംവിധാനം ചെയ്തിരിക്കുന്നത്. നടന് അജിത്തിന്റെ കടുത്ത ആരാധകന് കൂടിയാണ് വിനോദ്. അതുകൊണ്ട് വലിയ പ്രതീക്ഷകളും സസ്പെന്സുകളും ആരാധകര് കാത്തിരിക്കുകയാണ്. അജിത്തുമായി കൂട്ടുകെട്ടിലെ വിനോദിന്റെ രണ്ടാമത്തെ സിനിമ കൂടിയാണിത്. നെല്സണ് ദിലീപ് കുമാര് വിജയ് കൂട്ടുകെട്ടില് ഇറങ്ങുന്ന ആദ്യ സിനിമയാണ് ബീസ്റ്റ്. ആദ്യ രണ്ട് സിനിമകളും വിജയിച്ചതോടെ മൂന്നാമത്തെ സിനിമക്കും പ്രത്യേകതകള് കൂടുതലാണ്. പുതുമയുള്ള ഹ്യൂമര് കോമഡികളോടെ സിനിമകള് സംവിധാനം ചെയ്യുന്ന ഡയറ്ക്ടര് കൂടിയാണ് നെല്സണ്. വിജയുടെ 65 സിനിമ കൂടിയാണ് ബീസ്റ്റ്.
ബീസ്റ്റിന്റെ ആദ്യ സിംഗിള്സ് പുറത്തുവിടുമെന്നായിരുന്നു ആരാധകര് കരുതിയിരുന്നതെങ്കിലും അപ്രതീക്ഷിതമായി പോസ്റ്റര് പുറത്തുവിടുകയായിരുന്നു. ചിത്രത്തിന്റെ ആദ്യ സിംഗിളും മറ്റ് പ്രമോഷനുകളും ഫെബ്രുവരി അവസാന വാരത്തോടെ പുറത്തുവിടാനാണ് സാധ്യത. ജോര്ജിയയിലെയും ചെന്നൈയിലെയും ലൊക്കേഷനുകളിലായി 100 ദിവസത്തിലേറെയായി നടന്ന ‘ബീസ്റ്റ്’ ഷൂട്ടിംഗ് ഏതാനും ആഴ്ചകള്ക്ക് മുമ്പാണ് പൂര്ത്തിയാക്കിയത്. വ്യത്യസ്തകള് കൊണ്ട് നിറഞ്ഞ ബീസ്റ്റിന് ആരാധകരുടെ പ്രതീക്ഷകളും കൂടുതലാണ്. മലയാളി താരങ്ങളായ അപര്ണാ ദാസും ഷൈന് ടോം ചാക്കോയും ചിത്രത്തില് പ്രധാനവേഷങ്ങളില് എത്തുന്നുണ്ട്.
