ആലപ്പുഴ: അജ്ഞാത സംഘം വെട്ടിക്കൊലപ്പെടുത്തിയ എസ്ഡിപിഐ സംസ്ഥാന സെക്രട്ടറി കെ.എസ്. ഷാന്റെ വീട് സന്ദര്‍ശിച്ച് ആലപ്പുഴ എംഎല്‍എ പി.പി. ചിത്തരഞ്ജന്‍. കുടുംബത്തെ കണ്ട് മരണത്തില്‍ ഞെട്ടല്‍ രേഖപ്പെടുത്തി. ഇന്നലെ രാത്രി എട്ടു മണിയോടെയാണ് ഷാനെ കാര്‍ ഇടിച്ചു വീഴ്‌ത്തിയശേഷം വെട്ടിക്കൊലപ്പെടുത്തിയാത്.
നാട്ടുകാര്‍ ആദ്യം ആശുപത്രിയിലേക്ക് എത്തിച്ചെങ്ങിലും രാത്രിയോടെ മരിച്ചു. മണ്ണഞ്ചേരി ആപ്പൂരില്‍ എസ്ഡിപിഐ പ്രവര്‍ത്തകര്‍ക്കും അവരുടെ കുടുംബങ്ങള്‍ക്കും നേരെ നടന്ന ക്രൂരമായ അക്രമങ്ങള്‍ സിപിഎം-ഡി വൈ എഫ് ഐനേതൃത്വത്തിന്റെ അറിവോടെയാണെന്ന് എസ്ഡിപിഐ ആലപ്പുഴ മണ്ഡലം കമ്മിറ്റി ഭാരവാഹികള്‍ പറഞ്ഞിരുന്നു.
നിരന്തരമായി പ്രവര്‍ത്തകര്‍ക്ക് നേരെ അതിക്രമങ്ങള്‍ അഴിച്ച് വിട്ട് കൊണ്ട് എസ്ഡിപിഐയുടെ പ്രവര്‍ത്തനങ്ങളെ ഇല്ലാതാക്കാമെന്നത് സിപിഎം നേതൃത്വത്തിന്റെ വ്യാമോഹം മാത്രമാണെന്നും അണികളെ നിലക്ക് നിര്‍ത്തിയില്ലെങ്കില്‍ നേതൃത്വങ്ങള്‍ വലിയ വില നല്‍കേണ്ടി വരുമെന്നും മണ്ഡലം കമ്മിറ്റി മുന്നറിയിപ്പ് നല്‍കി.
