ന്യൂദല്‍ഹി: പഞ്ചാബ് നിയമസഭാ തിരഞ്ഞെടുപ്പില്‍ ബിജെപിയുമായി സഖ്യം പ്രഖ്യാപിച്ച് മുന്‍ മുഖ്യമന്ത്രി ക്യാപ്റ്റന്‍ അമരീന്ദര്‍ സിങ്. കേന്ദ്രമന്ത്രിയുമായ ഗജേന്ദ്ര സിങ് ഷെഖാവത്തുമായി ദല്‍ഹിയില്‍ കൂടിക്കാഴ്ച നടത്തിയ ശേഷമാണ് അമരീന്ദറിന്റെ പ്രഖ്യാപനം.
‘തെരഞ്ഞെടുപ്പില്‍ ഞങ്ങള്‍ ഒന്നിച്ച് പോരാടും, വിജയം സുനിശ്ചിതം”. പഞ്ചാബിന്റെ ചുമതലയുള്ള ബിജെപി നേതാവായ കേന്ദ്രമന്ത്രി ഗജേന്ദ്ര സിങ് ഷെഖാവത്തിനെ കണ്ട ശേഷം അമരീന്ദര്‍ മാധ്യമങ്ങോട് പ്രതികരിച്ചു.
കേന്ദ്ര നേതൃത്വം ഇടപെട്ട് അമരീന്ദര്‍ സിങിനെ പഞ്ചാബ് മുഖ്യമന്ത്രി സ്ഥാനത്ത് നിന്നും രാജിവെപ്പിക്കുകയായിരുന്നു. പിസിസി അധ്യക്ഷനായ നവജ്യോത് സിങ് സിദ്ദുവുമായുള്ള ഏറ്റുമുട്ടലാണ് പാര്‍ട്ടി വിടന്‍ അദേഹത്തെ പ്രേരിപ്പിച്ചത്. ശേഷം പഞ്ചാബ് ലോക് കോണ്‍ഗ്രസ് എന്ന് രാഷ്‌ട്രീയ പാര്‍ട്ടി അമരീന്ദര്‍ പ്രഖ്യാപിച്ചു.
