ധാക്ക: ബദ്ധവൈരികളായ പാകിസ്ഥാനെ തകര്‍ത്ത് ഹോക്കി ഏഷ്യന്‍ ചാമ്പ്യന്‍സ് ട്രോഫിയില്‍ സെമിയിലേയേക്ക് കുതിച്ച് ഇന്ത്യ. ഒന്നിനെതിരെ മൂന്നു ഗോളുകള്‍ക്കായിരുന്നു ഇന്ത്യന്‍ ജയം. ഏഷ്യന്‍ ചാമ്പ്യന്‍സ് ട്രോഫിയിലെ നിലവിലെ ജോതാക്കളാണ് ഇന്ത്യയും പാകിസ്ഥാനും.
ഹര്‍മന്‍പ്രീത് സിങ്ങാണ് ഇന്ത്യന്‍ വിജയത്തില്‍ നിര്‍ണായക പങ്കുവഹിച്ചത്. 1, 4 ക്വാര്‍ട്ടറുകളിലായി 13, 54 മിനിറ്റുകളില്‍ താരം പാകിസ്ഥാന്റെ വല ചലിപ്പിച്ചു. 42ാം മിനിറ്റില്‍ ആകാശ്ദീപ് സിങ്ങ് മൂന്നാം ഗോള്‍ നേടിയതോടെ പാകിസ്ഥാന്‍ സമ്പൂര്‍ണ പ്രതിരോധത്തിലായി.
മൂന്നാം ക്വാര്‍ട്ടര്‍ അവസാനിക്കാന്‍ 27 സെക്കന്‍ഡുകള്‍ മാത്രം ബാക്കിനില്‍ക്കേ ജുനൈദ് മന്‍സൂര്‍ പാകിസ്ഥാനുവേണ്ടി ഗോള്‍ നേടി.
2018ലെ ടൂര്‍ണമെന്റില പാകിസ്ഥാനിയുന്നു ഇന്ത്യയുടെ എതിരാളി. കളിയില്‍ മഴ വില്ലനായപ്പോള്‍ ഇരു ടീമുകളും കിരീടം പങ്കിട്ടു.
