തിരുവനന്തപുരം: കേരളത്തിലെ ഉന്നതവിദ്യാഭ്യാസ രംഗത്ത് നടക്കുന്ന ഇടതുപക്ഷ രാഷ്ട്രീയ ഇടപെടലുകളും നിയമങ്ങള് പാലിക്കാതെയുള്ള അധ്യാപക നിയമനങ്ങളും അധികാര ദുര്വിനിയോഗവും തുറന്നുപറയുന്ന കേരള ഗവര്ണറുടെ നിലപാട് അഭിനന്ദനാര്ഹമാണെന്ന് ഭാരതീയ വിചാരകേന്ദ്രം യോഗം. ഉന്നത വിദ്യാഭ്യാസ മേഖലയിലെ ഗുണനിലവാരത്തകര്ച്ചയ്ക്ക് ഇടവരുത്തുന്ന ദൗര്ഭാഗ്യകരമായ നിലവിലെ സാഹചര്യങ്ങളെ മാറ്റി വിദ്യാഭ്യാസരംഗത്തെ മോചിപ്പിക്കുന്നതിനുവേണ്ടി പൊതുജനങ്ങളും അക്കാദമിക സമൂഹവും രംഗത്തുവരണണെന്ന് യോഗം ആവശ്യപ്പെട്ടു.
ഭാരതീയ വിചാരകേന്ദ്രം ഡയറക്ടര് ആര്. സഞ്ജയന്റെ അധ്യക്ഷതയില് ചേര്ന്ന യോഗത്തില് ജനറല് സെക്രട്ടറി കെ.സി. സുധീര്ബാബു, ഡോ.ബി.എസ്. ഹരിശങ്കര്, ഡോ. കെ.എന്. മധുസൂതനന്പിള്ള, ഡോ.എം.പി. അജിത്കുമാര് തുടങ്ങിയവര് സംസാരിച്ചു.
