കൊച്ചി : സര്‍വകലാശാല ചാന്‍സലറായ ഗവര്‍ണറുടെ ഉത്തരവിനെ സിന്‍ഡിക്കേറ്റിന് വെല്ലുവിളിക്കാനാകില്ലെന്ന് ഹൈക്കോടതി.സിന്‍ഡിക്കേറ്റിന്റെ അത്തരം നടപടികള്‍ അധികാര ശ്രേണിയ്‌ക്കും അച്ചടക്കത്തിനും എതിരാണെന്ന് കോടതി പറഞ്ഞു.
കാലിക്കറ്റ് സര്‍വകലാശാലയുമായി ബന്ധപ്പെട്ട ഹര്‍ജിയിലാണ് കോടതിയുടെ ഈ നിരീക്ഷണം.സിന്‍ഡിക്കേറ്റ് പുറത്താക്കിയ ഇന്‍സ്ട്രമെന്റേഷന്‍ എഞ്ചിനീയറെ തിരിച്ചെടുത്ത ചാന്‍സലറുടെ നടപടി ചോദ്യം ചെയ്തുള്ള ഹര്‍ജി തള്ളിയാണ് ഹൈക്കോടതി ഉത്തരവ്.
രണ്ട് സിന്‍ഡിക്കേറ്റംഗങ്ങളാണ് ഹൈക്കോടതിയെ സമീപിച്ചത്. ഉദ്യോഗസ്ഥന്‍ ക്രമക്കേട് നടത്തിയെന്നാണ് സിന്‍ഡിക്കേറ്റ് വാദിച്ചത്.എന്നാല്‍, ക്രമക്കേട് നടന്നെന്ന് പ്രഥമദൃഷ്ട്യാ ബോധ്യപ്പെട്ടതിനാല്‍ സര്‍ക്കാരും സര്‍വകലാശാലയും കൃത്യമായ അന്വേഷണം നടത്തി കുറ്റക്കാരെ വെളിച്ചെത്ത് കൊണ്ടുവരികയാണ് വേണ്ടതെന്ന് ഹൈക്കോടതി നിര്‍ദേശിച്ചു.
