കൊച്ചി: തിരുവോണബംമ്പര്‍ അടിച്ച ഭാഗ്യവാന് ഭീഷണികാരണം ഇരിക്കപ്പൊറുതിയില്ല.രണ്ട് തവണയാണ് ഭീഷണി കത്തുകള്‍ മരട് സ്വദേശിയായ ജയപാലനെ തേടിഎത്തുന്നത്.സാമ്പത്തിക പ്രതിസന്ധി നേരിടുന്ന കുടുംബത്തിന് സഹായം നല്‍കണം എന്നാണ് രണ്ട് കത്തിലും ഉളളത്.
തൃശ്ശൂര്‍ ചേലക്കരയില്‍ നിന്നാണ് രണ്ട് കത്തുകളും വന്നിരിക്കുന്നത്. സംഭവത്തില്‍ മരട് പോലീസില്‍ ജയപാലന് പരാതി നല്‍കി. പോലീസ് അന്വേഷണം ആരംഭിച്ചു. സഹായിച്ചില്ലെങ്കില്‍ ജീവിക്കാന്‍ അനുവദിക്കില്ല എന്നാണ് കത്തില്‍ പറയുന്നത്. ഈ കത്തുകള്‍ രണ്ടും ഒരു മാസത്തിനുളളിലാണ് വന്നിരിക്കുന്നത്. കത്തില്‍ ഫോണ്‍ നമ്പര്‍ ഉള്‍പ്പെടെ ഉണ്ട്. എന്നാല്‍ ഫോണില്‍ വിളിച്ചാല്‍ കിട്ടുന്നില്ല.
ഈ ഫോണ്‍ നമ്പര്‍ വഴിയാണ് പോലീസ് അന്വേഷണം ആരംഭിച്ചിരിക്കുന്നത്. ഇതില്‍ നിന്ന് ലഭിക്കുന്ന വിവരം വെച്ച് ആളെ കണ്ടെത്താന്‍ സാധിക്കുമെന്നാണ് പോലീസ് പറയുന്നത്. ഒരേ ആവശ്യം ഉന്നയിച്ചായതിനാല്‍ കത്ത് അയച്ചത് ഒരാള്‍ തന്നെ ആണെന്നാണ് പോലീസ് സംശയിക്കുന്നത്. കഴിഞ്ഞ ഓണം ബംബറിന്റെ ഒന്നാം സമ്മാനമായ 12 കോടി രൂപയാണ് ജയപാലന് ലഭിച്ചത്.
ലോട്ടറി അടിച്ച അന്ന് മുതല്‍ ടിക്കറ്റിനെപ്പറ്റി അഭ്യൂഹങ്ങള്‍ ഒഴിയുന്നില്ലായിരുന്നു.അതിന് ശേഷമാണ് ഭീഷണികള്‍ ഉണ്ടാകുന്നത്.
