തിരുവനന്തപുരം: വഖഫ് ബോര്ഡിലെ നിയമനങ്ങള് പിഎസ് സിക്കു വിട്ട തീരുമാനത്തില് നിന്ന് പിന്നാക്കം പോയി കേരള സര്ക്കാര്. വഖഫിലെ പിഎസ് സി നിയമനം ഉടന് നടപ്പാക്കില്ലെന്ന് മുഖ്യമന്ത്രി പിണറായി വിജയന്. സമസ്ത നേതാക്കളുമായി നടത്തിയ കൂടിക്കാഴ്ചയിലാണ് പിണറായിയുടെ ഉറപ്പ്. നിയമം റദ്ദാക്കുന്നത് സംബന്ധിച്ച വിശദമായ ചര്ച്ച നടത്താമെന്നും തത്കാലം നിയമം നടപ്പാക്കുന്നത് മരവിപ്പിക്കാമെന്നുമാണ് മുഖ്യമന്ത്രി ഉറപ്പു നല്കിയതെന്ന് സമസ്ത നേതാക്കള് വ്യക്തമാക്കി.
രാവിലെ പതിനൊന്നിനാണ് മുഖ്യമന്ത്രിയുടെ ചേംബറിലാണ് ചര്ച്ച നടന്നച്. ചര്ച്ചയ്ക്കായി ഏഴംഗ സംഘത്തെ സമസ്ത നിയോഗിച്ചിരുന്നു സമസ്ത സെക്രട്ടറി പ്രൊഫ. ആലിക്കുട്ടി മുസ്ല്യാരുടെ നേതൃത്വത്തിലുള്ള സംഘമാണ് ചര്ച്ച നടത്തിയത്.. വഖഫ് നിയമന വിഷയത്തില്, വഖഫ് നിയമനങ്ങള് പി.എസ്.സിക്കു വിട്ടതില് യോജിപ്പില്ലെന്ന് ജിഫ്രി മുത്തുക്കോയത്തങ്ങള് നേരത്തെ വ്യക്തമാക്കായിരുന്നു. സംഘടനയുടെ നിലപാടില് മാറ്റമില്ലെന്നും പ്രതിഷേധം തുടരുമെന്നും സമസ്ത അറിയിച്ചിരുന്നു. എന്നാല് സമരമല്ല, പ്രതിഷേധമാണ് സമസ്തയുടെ മാര്ഗമെന്ന നിലപാടാണ് അദ്ദേഹം വ്യക്തമാക്കിയത്. മുഖ്യമന്ത്രി ചര്ച്ചയ്ക്ക് ക്ഷണിച്ചിരുന്നു. ആ ക്ഷണം സ്വീകരിക്കുന്നു. ചര്ച്ചയുടെ വരും വരായ്കകള് നിശ്ചയിച്ചതിനു ശേഷം മാത്രം സമരം എന്ന നിലപാടാണ് അദ്ദേഹം പറഞ്ഞത്. ഇന്നത്തെ ചര്ച്ചയില് ആലിക്കുട്ടി മുസ്ല്യാരെ കൂടാതെ സമദ് പൂക്കോട്ടൂര്, ഡോ. എന്.എ.എം. അബ്ദുള് ഖാദര്, മുക്കം ഉമര് ഫൈസി, കെ. മോയിന്കുട്ടി മാസ്റ്റര് തുടങ്ങിയവരാണ് പങ്കെടുക്കുത്തത്.
