ഇന്ത്യയിലെ ഇലക്ട്രിക്ക് വാഹന വിപണിയില് ഇനി ബൗണ്സും. പുതിയ ഇലക്ട്രിക് സ്കൂട്ടറായ ‘ഇന്ഫിനിറ്റി’ ഇന്നലെയാണ് ബൗണ്സ് അവതരിപ്പിച്ചത്. ഓല എസ്1, ബജാജ് ചേതക് ഇലക്ട്രിക്, ടിവിഎസ് ഐക്യൂബ്, ഏത്തര് 450എക്സ് തുടങ്ങിയ എതിരാളികളോടാണ് സ്കൂട്ടര് മത്സരിക്കുക. ബൗണ്സ് ഇന്ഫിനിറ്റി ഡിസംബര് പകുതി മുതല് ടെസ്റ്റ് റൈഡുകള്ക്കായി ലഭ്യമാകുമെന്ന് കമ്പനി വ്യക്തമാക്കി. ഡെലിവറി 2022 മാര്ച്ചില് ആരംഭിക്കുമെന്നാണ് പ്രതീക്ഷ.
ന്യൂതന ആശയത്തോടുകൂടിയാണ് ഇന്ഫിനിറ്റി വിപണിയില് എത്തിയിരിക്കുന്നത്. ബാറ്ററി സ്വാപ്പിങ്ങും ഇതില് സാധ്യമാണ്. ബാറ്ററിയില്ലാതെയും ബൗണ്സ് ഇന്ഫിനിറ്റി സ്വന്തമാക്കാവുന്നതാണ്. ബാറ്ററിയും ചാര്ജറും ഉള്പ്പെടെ 68,999 രൂപയ്ക്ക് ഇ-സ്കൂട്ടര് ലഭ്യമാണ്. അതേസമയം ബാറ്ററിയില്ലാതെ ബൗണ്സ് ഇന്ഫിനിറ്റി സ്വന്തമാക്കാന് 36,000 രൂപ മാത്രം നല്കിയാല് മതി. നിലവില് 499 രൂപ ടോക്കണ് തുകയായി നല്കി സ്കൂട്ടറിനായുള്ള ബുകിംഗ് നടത്താന് സാധിക്കുന്നതാണ്.
മണിക്കൂറില് പരമാവധി 65 കിലോമീറ്റര് വേഗത കൈവരിക്കാന് സാധിക്കുന്ന ഇന്ഫിനിറ്റിക്ക് രണ്ട് kWh ലിഥിയം-അയണ് ബാറ്ററിയാണുള്ളത്. അതായത് ഒറ്റ ചാര്ജില് 85 കിലോമീറ്റര് വരെ സഞ്ചരിക്കാന് സാധിക്കുമെന്നാണ് കമ്പനി പറയുന്നത്. പവര്, ഇക്കോ മോഡുകള്ക്ക്് പുറമെ ഡ്രാഗ് മോഡും ബൗണ്സ് ഇന്ഫിനിറ്റി അവതരപ്പിക്കുന്നുണ്ട്. സ്കൂട്ടര് പഞ്ചറാകുന്ന അവസരങ്ങളില് ടയറിന് കോട്ടംവരാതെ വലിച്ചിഴച്ചുകൊണ്ട് ഓടിക്കാന് സാധിക്കുന്ന രീതിയാണ് ഡ്രാഗ് മോഡില് ഉല്പെടുത്തിയിരിക്കുന്നത്.
മികച്ച സ്മാര്ട്ട്ഫോണ് കണക്റ്റിവിറ്റിയാണ് ഇന്ഫിനിറ്റി ഉപയോക്തക്കള്ക്കായി നല്ക്കുന്നത്. സ്പാര്ക്കിള് ബ്ലാക്ക്, കോമറ്റ് ഗ്രേ, സ്പോര്ട്ടി റെഡ്, പേള് വൈറ്റ്, ഡെസാറ്റ് സില്വര് എന്നീ അഞ്ച് വ്യത്യസ്ത കളര് ഓപ്ഷനുകളില് ലഭ്യമാകുന്ന ബൗണ്സ് ഇന്ഫിനിറ്റി ഇ1 ഇ-സ്കൂട്ടറിന് ഒരു റെട്രോ മോഡേണ് ഡിസൈനാണ് നല്കിയിട്ടുള്ളത്.
എല്ഇഡി ഡെയ്ടൈം റണ്ണിംഗ് ലൈറ്റോടുകൂടിയ എല്ഇഡി ഹെഡ്ലാമ്പ്, ഡിജിറ്റല് ഇന്സ്ട്രുമെന്റ് ക്ലസ്റ്റര്, ഫ്രണ്ട് ആന്ഡ് റിയര് ഡിസ്ക് ബ്രേക്കുകളുള്ള അലോയ് വീലുകള്, പിന് ചക്രത്തില് സ്ഥാപിച്ചിരിക്കുന്ന ബിഎല്ഡിസി ഹബ് മോട്ടോര് എന്നിവയും ഇതിന്റെ പ്രത്യേകതയാണ്. ഇഗ്നിഷന് സ്റ്റാറ്റസ്, സൈഡ് സ്റ്റാന്ഡ് സ്റ്റാറ്റസ്, ഇന്ഡിക്കേറ്ററുകള്, ബാറ്ററി എസ്ഒസി സ്റ്റാറ്റസ്, സ്പീഡ് ഡിസ്പ്ലേ, ഓഡോമീറ്റര് റീഡിംഗ്, വാഹന നില, ബ്ലൂടൂത്ത് സ്റ്റാറ്റസ്, ഹൈ ബീം സ്റ്റാറ്റസ് തുടങ്ങിയ വിവരങ്ങള് കാണിക്കുന്ന പൂര്ണ്ണ ഡിജിറ്റല് സ്പീഡോമീറ്ററും ഇന്ഫിനിറ്റിയില് കമ്പനി വാഗ്ദാനം ചെയ്യുന്നു.
