കൊല്ലം: ഇസ്ലാമിക ഭീകരവാദികളുടെ അജണ്ട കേരളത്തില്‍ നടപ്പാക്കുകയാണ് സിപിഎം നേതൃത്വത്തിലുള്ള പിണറായി വിജയന്‍ സര്‍ക്കാരെന്ന് ബിജെപി അധ്യക്ഷന്‍ കെ. സുരേന്ദ്രന്‍.
ഇസ്ലാമിക മത തീവ്രവാദത്തിന് വേരുറപ്പിക്കുന്നതിന് കേരളസര്‍ക്കാര്‍ എല്ലാ സഹായവും ചെയ്യുകയാണ്. ഹലാല്‍ സംസ്‌കാരത്തിലൂടെ പോപ്പുലര്‍ ഫ്രണ്ടിന്റെ തീരുമാനങ്ങളാണ് സര്‍ക്കാര്‍ നടപ്പാക്കുന്നത്. പാലക്കാട്ടെ സഞ്ജിത്ത് വധക്കേസിലെ പ്രതികളില്‍ പലരെയും പിടികൂടാന്‍ സംസ്ഥാനപോലീസിന് കഴിഞ്ഞിട്ടില്ല. പോപ്പുലര്‍ ഫ്രണ്ടുമായുള്ള രഹസ്യ അജണ്ടകളുടെ പ്രതിഫലനമാണിത്. പോപ്പുലര്‍ ഫ്രണ്ടിന്റെ ഓഫീസുകളില്‍ പരിശോധന നടത്താന്‍ സംസ്ഥാനത്തെ പോലീസ് സേനയ്‌ക്ക് മടിയാണ്. സംസ്ഥനത്തുടനീളം താലിബാന്‍ തുരുത്തുകള്‍ രൂപം കൊള്ളുന്നു. കേരളത്തില പൊതു സമൂഹം ഉണര്‍ന്ന് പ്രവര്‍ത്തിക്കേണ്ട സമയമായെന്നും അദ്ദേഹം പറഞ്ഞു.
യുവമോര്‍ച്ച ജില്ലാ പ്രസിഡന്റ വിഷ്ണു പട്ടത്താനം അധ്യക്ഷനായി. ബിജെപി സംസ്ഥാന വൈസ് പ്രസിഡന്റ് സി. ശിവന്‍കുട്ടി, ജില്ലാ പ്രസിഡന്റ് ബി.ബി. ഗോപകുമാര്‍, സംസ്ഥാന സെക്രട്ടറി രാജിപ്രസാദ്, ജില്ലാ ജനറല്‍ സെക്രട്ടറിമാരായ അഡ്വ. വയയ്‌ക്കല്‍ സോമന്‍, അഡ്വ. വി. വിനോദ്, യുവമോര്‍ച്ച സംസ്ഥാന വൈസ് പ്രസിഡന്റ് ബി.എല്‍. അജേഷ്, മുന്‍ ജില്ലാ പ്രസിഡന്റുമാരായ തുരുത്തിക്കര രാമകൃഷ്ണപിള്ള, ജി. ഗോപിനാഥ്, വയയ്‌ക്കല്‍ മധു, അഖില്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: