കോട്ടയം: പാലായില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് പിടിയില്‍. വയനാട്, മാനന്തവാടി പേര്യ സ്വദേശി എക്കണ്ടിയില്‍ മുഹമ്മദ് അജ്മലാണ് അറസ്റ്റിലായത് വിവാഹം വാഗ്ദാനം നല്‍കിയാണ് പീഡപ്പിച്ചത്.
മുഹമ്മദ് അജ്മല്‍ ജോലിക്ക് നിന്നിരുന്ന കടയില്‍ ചാര്‍ജ് ചെയ്യാനെത്തിയ പെണ്‍കുട്ടിയുടെ നമ്പര്‍ കരസ്ഥമാക്കി ചാറ്റ് ചെയ്യുകയായിരുന്നു. ക്രമേണ പെണ്‍കുട്ടിയുമായി സൗഹൃദത്തിലും പിന്നാലെ പ്രണയത്തിലാകുകയും വിഹാഹ വാഗ്ദാനം നല്‍കി പീഡിപ്പിക്കുകയുമായിരുന്നു. പെണ്‍കുട്ടിയുടെ നഗ്ന ദൃശ്യങ്ങളും ഇയാള്‍ പകര്‍ത്തി. കുട്ടിയുടെ പെരുമാറ്റത്തില്‍ അസ്വഭാവിക തോന്നിയ വീട്ടുകാര്‍ വിവരം തിരക്കിയപ്പോഴാണ് പീഡന വിവരം അറിയുന്നത്.
സംഭവം പുറത്തറിഞ്ഞതിന് പിന്നാലെ പ്രതി നാട്ടിലേയ്‌ക്ക് കടന്നുകളഞ്ഞു. പരാതി ലഭിച്ചതിനെ തുടര്‍ന്ന് പോലീസ് വയനാട്ടിലെത്തി പ്രതിയെ പിടികൂടി. നാട്ടില്‍ ഇയാള്‍ മൊബൈല്‍ ഷോപ്പ് നടത്തി വരുകയായിരുന്നു.
പെണ്‍കുട്ടിയെ അജ്മല്‍ ക്രൂരമായി പീഡിപ്പിച്ചെന്ന് പൊലീസ് പറഞ്ഞു. പ്രതിക്കെതിരെ പോക്‌സോ, ബലാത്സംഗം, ഐടി നിയമങ്ങള്‍ ചുമത്തിയാണ് കേസെടുത്തിരിക്കുന്നത്. ഇയാളുടെ ലാപ്‌ടോപ്പും മൊബൈല്‍ ഫോണും പൊലീസ് പിടിച്ചെടുത്തു.
