ചിറയിന്കീഴ്: വ്യത്യസ്ത മത വിഭാഗത്തില് നിന്ന് വിവാഹം കഴിച്ചതിന്റെ പേരില് യുവാവിനെ നടുറോഡില് ക്രൂരമായി മര്ദിച്ചതായി പരാതി. തിരുവനന്തപുരം ചിറയിന്കീഴ് സ്വദേശി മിഥുനാണ് മര്ദ്ദനമേറ്റത്. ചിറയിന്കീഴ് സ്വദേശികളായ മിഥുനും ദീപ്തിയും കഴിഞ്ഞ മാസം 29 നാണ് വിവാഹിതിരായത്. മിഥുനെ മര്ദ്ദിക്കുന്നതിന്റെ സിസിടിവി ദൃശ്യങ്ങള് പുറത്ത് വന്നു. ഒക്ടോബര് 31 നാണ് ആക്രമണം നടന്നത്. നിലവില് മിഥുന് തിരുവനന്തപുരം മെഡിക്കല് കോളേജില് ചികിത്സയിലാണ്.
ദീപ്തിയുടെ സഹോദരനും സുഹൃത്തുക്കളും ചേര്ന്നാണ് മിഥുനെ ക്രൂരമായി മര്ദിച്ചത്. വീട്ടുകാരുടെ സമ്മതമില്ലാതെയായിരുന്നു വിവാഹം. ദീപ്തിയുടെ വീട്ടില് വിവാഹത്തോട് വലിയ എതിര്പ്പുണ്ടായിരുന്നു. കുടുംബവുമായുള്ള പ്രശ്നങ്ങള് സംസാരിക്കാമെന്ന് പറഞ്ഞ് ഇക്കഴിഞ്ഞ ഞായറാഴ്ചയാണ് മിഥുനെ ദീപ്തിയുടെ സഹോദരന് കൂട്ടിക്കൊണ്ടു പോകുന്നത്. തുടര്ന്ന് മിഥുനെ ക്രൂരമായി മര്ദിക്കുകയായിരുന്നു.
എറണാകുളത്ത് സ്വകാര്യ ആശുപത്രിയിലെ ഡോക്ടറാണ് ദീപ്തിയുടെ സഹോദരന്. കൈകൊണ്ടും വടി ഉപയോഗിച്ചും ക്രൂരമായി മര്ദിക്കുന്ന ദൃശ്യങ്ങളാണ് ഇപ്പോള് പുറത്തുവന്നിരിക്കുന്നത്. മര്ദനത്തില് മിഥുന്റെ തലയ്ക്കും, നട്ടെല്ലിനും കാലുകള്ക്കും ഗുരുതരമായി പരുക്കേറ്റിട്ടുണ്ട്. സംഭവത്തില് ചിറയിന്കീഴ് പോലീസ് കേസെടുത്തു.
