കോഴിക്കോട്: കേരളത്തിലെ നവോത്ഥാന ആചാര്യന്മാരില് പ്രധാനിയായിരുന്ന വാഗ്ഭടാനന്ദ ഗുരുദേവന്റെ എണ്പത്തിരണ്ടാം സമാധിദിനാചരണം ഒക്ടോബര് 29 ന് കോഴിക്കോട് കാരപ്പറമ്പിലെ സമാധിസ്ഥാനത്ത് നടക്കും.
രാവിലെ ഒമ്പതിന് ശാന്തിപ്രാര്ത്ഥനയും പുഷ്പാര്ച്ചനയും നടക്കും. ഉച്ചയ്ക്ക് രണ്ടരയ്ക്ക് മടപ്പള്ളി കാരക്കാട് വാഗ്ഭടാനന്ദ സ്മാരക ഹാളില് നടക്കുന്ന അനുസ്മരണ സമ്മേളനം ഓണ്ലൈനായി മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ആത്മവിദ്യ എന്ന കൃതിയുടെ ഇംഗ്ലീഷ് പരിഭാഷ മുഖ്യമന്ത്രി പ്രകാശനം ചെയ്യും. സംസ്ഥാനത്തെ ആത്മവിദ്യാസംഘം ശാഖകളിലും 28 ന് വൈകീട്ട് ശാന്തിപ്രാര്ത്ഥന നടക്കുമെന്ന് ആത്മവിദ്യാസംഘം സംസ്ഥാന സെക്രട്ടറി തോട്ടപ്പള്ളി ഗോപാലകൃഷ്ണന് അറിയിച്ചു.
ശങ്കരവേദാന്തം വാഗ്ഭടാനന്ദനില് എന്ന വിഷയത്തില് ഒരു വര്ഷം നീളുന്ന പ്രഭാഷണ പരമ്പര സംഘടിപ്പിക്കുമെന്നും ആത്മവിദ്യാസംഘം ഭാരവാഹികള് അറിയിച്ചു. എല്ലാമാസവും 1, 15, 30 തീയതികളില് നടക്കുന്ന പ്രഭാഷണമുണ്ടാകും. വിവരങ്ങള്ക്ക് വാട്സ്ആപ് നമ്പര്: 7511151615.
